Kólik politsiiasynyń qyzmetkerleri Almatydaǵy qarý-jaraq dúkenderine shabýyl jasady degen kúdikke ilingen eki adamdy ustady, dep habarlaidy QazAqparat.
«30 qańtarda Kóliktegi politsiia departamentiniń qyzmetkerleri jedel-izdestirý is-sharalary aiasynda Almaty oblysynyń 35 jastaǵy turǵynyn ustady. Ol Almaty qalasyndaǵy jappai tártipsizdikter kezinde ógelermen birge qarý-jaraq dúkenine shabýyl jasaǵan. Osydan keiin toppen birge materialdyq qundylyqtardy ielený úshin Almaty áýejaiyna bet alǵan. Bul týraly Ishki ister ministrligi Kólik politsiiasynyń basshysy Ońalbek Bekiev aitty», - dep jazylǵan departamenttiń dereginde.
Ońalbek Bekievtiń departamenttiń baspasóz qyzmetine bergen málimeti boiynsha, kúdiktiden 6 dana atys qarýy, men tergelip jatqan qylmystarǵa qatysy bar ekenin rastaityn basqa da zattai aiǵaqtar tárkilengen.
Al 1 aqpanda politseiler 1990 jyly týǵan azamatty ustaǵan. Departament taratqan aqparatta onyń 5 qańtarda tanysymen birge Almatydaǵy jappai tártipsizdikterge belsendi qatysqany aitylady.
«Sol kúni kúdikti eki dosymen birge qarý-jaraq dúkenine shabýyl jasap, 7 atys qarýyn urlap, Almaty qalasynyń halyqaralyq áýejaiyndaǵy tártipsizdikterge qatysty.
Qazirgi tańda atalǵan faktiler boiynsha sotqa deiingi tergeý amaldary júrip jatyr», - dep jazylǵan resmi málimette.
Ońalbek Bekievtiń departamenttiń baspasóz qyzmetine bergen málimeti boiynsha, kúdiktiler qamaýǵa alynǵan. Atalǵan zańsyzdyqtarǵa qatysty degen kúdikke ilingen ózge adamdardy ustaý sharalary áli jalǵasyp jatyr.
