كٶلٸك پوليتسيياسىنىڭ قىزمەتكەرلەرٸ الماتىداعى قارۋ-جاراق دٷكەندەرٸنە شابۋىل جاسادى دەگەن كٷدٸككە ٸلٸنگەن ەكٸ ادامدى ۇستادى, دەپ حابارلايدى قازاقپارات.
«30 قاڭتاردا كٶلٸكتەگٸ پوليتسييا دەپارتامەنتٸنٸڭ قىزمەتكەرلەرٸ جەدەل-ٸزدەستٸرۋ ٸس-شارالارى اياسىندا الماتى وبلىسىنىڭ 35 جاستاعى تۇرعىنىن ۇستادى. ول الماتى قالاسىنداعى جاپپاي تەرتٸپسٸزدٸكتەر كەزٸندە ٶگەلەرمەن بٸرگە قارۋ-جاراق دٷكەنٸنە شابۋىل جاساعان. وسىدان كەيٸن توپپەن بٸرگە ماتەريالدىق قۇندىلىقتاردى يەلەنۋ ٷشٸن الماتى ەۋەجايىنا بەت العان. بۇل تۋرالى ٸشكٸ ٸستەر مينيسترلٸگٸ كٶلٸك پوليتسيياسىنىڭ باسشىسى وڭالبەك بەكيەۆ ايتتى», - دەپ جازىلعان دەپارتامەنتتٸڭ دەرەگٸندە.
وڭالبەك بەكيەۆتٸڭ دەپارتامەنتتٸڭ باسپاسٶز قىزمەتٸنە بەرگەن مەلٸمەتٸ بويىنشا, كٷدٸكتٸدەن 6 دانا اتىس قارۋى, مەن تەرگەلٸپ جاتقان قىلمىستارعا قاتىسى بار ەكەنٸن راستايتىن باسقا دا زاتتاي ايعاقتار تەركٸلەنگەن.
ال 1 اقپاندا پوليتسەيلەر 1990 جىلى تۋعان ازاماتتى ۇستاعان. دەپارتامەنت تاراتقان اقپاراتتا ونىڭ 5 قاڭتاردا تانىسىمەن بٸرگە الماتىداعى جاپپاي تەرتٸپسٸزدٸكتەرگە بەلسەندٸ قاتىسقانى ايتىلادى.
«سول كٷنٸ كٷدٸكتٸ ەكٸ دوسىمەن بٸرگە قارۋ-جاراق دٷكەنٸنە شابۋىل جاساپ, 7 اتىس قارۋىن ۇرلاپ, الماتى قالاسىنىڭ حالىقارالىق ەۋەجايىنداعى تەرتٸپسٸزدٸكتەرگە قاتىستى.
قازٸرگٸ تاڭدا اتالعان فاكتٸلەر بويىنشا سوتقا دەيٸنگٸ تەرگەۋ امالدارى جٷرٸپ جاتىر», - دەپ جازىلعان رەسمي مەلٸمەتتە.
وڭالبەك بەكيەۆتٸڭ دەپارتامەنتتٸڭ باسپاسٶز قىزمەتٸنە بەرگەن مەلٸمەتٸ بويىنشا, كٷدٸكتٸلەر قاماۋعا الىنعان. اتالعان زاڭسىزدىقتارعا قاتىستى دەگەن كٷدٸككە ٸلٸنگەن ٶزگە ادامداردى ۇستاۋ شارالارى ەلٸ جالعاسىپ جاتىر.
