Foto: Pixabay
Almaty qalasyndaǵy №199 mamandandyrylǵan gimnaziiada uiymdastyrylǵan mádeni is-shara kezinde alty oqýshy jasandy tútinnen zardap shekti, dep habarlaidy Ult.kz.
Qalalyq bilim basqarmasynyń habarlaýynsha, oqiǵa 9 aqpanda gimnaziianyń akt zalynda bolǵan. Shara barysynda sahnalyq tútin shyǵaratyn qurylǵy paidalanylyp, odan keiin birneshe balanyń jaǵdaiy nasharlaǵan. Oqýshylar jótelip, kózderinen jas aǵý belgileri baiqalǵan.
Mektep ákimshiligi dereý meditsina qyzmetkerin shaqyryp, jedel járdem kómegine júgingen. 12 jastaǵy alty bala «jasandy tumannan ýlaný» diagnozymen Almaty qalalyq balalarǵa shuǵyl meditsinalyq kómek kórsetý ortalyǵyna jetkizildi. Dárigerler olardyń jaǵdaiyn ortasha aýyr, biraq turaqty dep baǵalap otyr. Emdeý belgilengen hattamaǵa sai júrgizilýde.
Oqiǵaǵa bailanysty qyzmettik tekseris bastalyp, tútin shyǵaratyn qurylǵyny qoldanýǵa jol bergen pedagog tártiptik jaýapkershilikke tartyldy. Ulttyq saraptama ortalyǵy aýa synamalaryn zertteýge aldy, nátijesi keiin jariialanady.
Qazir gimnaziiada jappai is-sharalar kezinde qaýipsizdik talaptaryn saqtaý kúsheitildi. Oqiǵa bilim basqarmasynyń baqylaýynda.
