Almatynyń Naýryzbai aýdanynda pyshaq ustaǵan er adam áielge nege shabýyl jasaǵany belgili boldy. Jábirlenýshiniń ápkesi bári qyzǵanyshtan bastalǵanyn aitty, - dep habarlaidy Tengrinews.kz tilshisi "Almaty" telearnasyna silteme jasap.
"Men shyndyqty bilemin. Buǵan deiin ol qorqytyp júrdi, biz aryz jazdyq, tipti men de jazdym. Ol qorqytyp, "sen meniki bolasyń nemese eshkimdiki bolmaisyń" dedi. Men seni jaryp óltiremin, al ulym ósedi, ol túsinedi" dedi ol. Bul qyzǵanysh bolatyn, ol tipti qyzǵanysh emes edi, psihikalyq aýrý. Ol jumystan kele jatqan, birneshe ret taksi júrgizýshilerine shabýyl jasap, olardy urǵan kezder boldy", - dedi jábirlenýshiniń ápkesi Nargiz Sakieva.
Sondai-aq, ol keibir alaiaqtar otbasynyń qaiǵysynan aqsha tapqysy keletinin aitty. Belgisiz bireýler onyń atynan aqsha jinaý sharasyn uiymdastyryp, qate málimet kórsetken bolyp shyqty. Sondyqtan, ol qazaqstandyqtardy qyraǵy bolýǵa shaqyrdy. Áiel politsiiaǵa barýǵa nietti.
Aita keteiik, Almatyda pyshaq ustaǵan er adam áielge shabýyl jasaǵan bolatyn. Oqiǵa Almatynyń Naýryzbai aýdanynda bolǵan. Kýágerlerdiń biri kórshisi áieline 11 ret pyshaq suqqanyn habarlaǵan. Sebebi áiel oǵan balasyn kórsetkisi kelmegen.
