Almaty qalalyq densaýlyq saqtaý basqarmasy buqaralyq aqparat quraldary ókilderine megapolistegi iri aýrýhanalardyń karantinge daiyndyǵyn kórsetý úshin arnaiy press-týr uiymdastyrdy, dep habarlaidy QazAqparat.
Eń aldymen jýrnalisterge meditsinalyq maska, dezinfektsiialyq jáne jeke qorǵanys quraldary saqtalatyn qoima kórsetildi.
«Qalanyń barlyq meditsinalyq uiymdary jetkilikti túrde jeke qorǵanys jáne dezinfektsiialyq quraldarmen, meditsinalyq maskalarmen qamtamasyz etilgen, olardyń qorlary únemi tolyqtyrylyp otyrady», - dedi Almaty qalalyq densaýlyq saqtaý basqarmasynyń basshysy Tileýhan Ábildaev.
Aýrýhana qyzmetkerlerine qorǵanys kostiýmderi qajetti mólsherde beriledi. Sonymen qatar, onyń paidalaný ýaqyty da eskeriledi. Bul baǵytta eshqandai kemshilikter joq.
«Jaqynda №7 qalalyq klinikalyq aýrýhanaǵa qosymsha 63000 maska men 500 litrden astam spirt bólindi. Búginde statsionarda 1500 litr spirt bar. Bul úsh ailyq qor. 80 000 maska úsh aptaǵa jetedi. Dezinfektsiialyq zattarmen de qamtamasyz etilgen. Sonymen qatar aýrýhanada asa qaýipti infektsiialyq aýrýǵa arnalǵan 50 jeke qorǵanys kostiými bar», - dedi Tileýhan Ábildaev.
Sondai-aq, oblystan qatynaityn meditsina qyzmetkerlerin ýaqytsha baspanamen qamtamasyz etý máselesi tolyqtai sheshilgen. Mamandarǵa hostel, qonaq úi men jataqhanadan bólmeler bólindi.
Budan bólek meditsina qyzmetkerlerine ákimdik tegin tamaq beredi.
