الماتى قالالىق دەنساۋلىق ساقتاۋ باسقارماسى بۇقارالىق اقپارات قۇرالدارى ٶكٸلدەرٸنە مەگاپوليستەگٸ ٸرٸ اۋرۋحانالاردىڭ كارانتينگە دايىندىعىن كٶرسەتۋ ٷشٸن ارنايى پرەسس-تۋر ۇيىمداستىردى, دەپ حابارلايدى قازاقپارات.
ەڭ الدىمەن جۋرناليستەرگە مەديتسينالىق ماسكا, دەزينفەكتسييالىق جەنە جەكە قورعانىس قۇرالدارى ساقتالاتىن قويما كٶرسەتٸلدٸ.
«قالانىڭ بارلىق مەديتسينالىق ۇيىمدارى جەتكٸلٸكتٸ تٷردە جەكە قورعانىس جەنە دەزينفەكتسييالىق قۇرالدارمەن, مەديتسينالىق ماسكالارمەن قامتاماسىز ەتٸلگەن, ولاردىڭ قورلارى ٷنەمٸ تولىقتىرىلىپ وتىرادى», - دەدٸ الماتى قالالىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ.
اۋرۋحانا قىزمەتكەرلەرٸنە قورعانىس كوستيۋمدەرٸ قاجەتتٸ مٶلشەردە بەرٸلەدٸ. سونىمەن قاتار, ونىڭ پايدالانۋ ۋاقىتى دا ەسكەرٸلەدٸ. بۇل باعىتتا ەشقانداي كەمشٸلٸكتەر جوق.
«جاقىندا №7 قالالىق كلينيكالىق اۋرۋحاناعا قوسىمشا 63000 ماسكا مەن 500 ليتردەن استام سپيرت بٶلٸندٸ. بٷگٸندە ستاتسيوناردا 1500 ليتر سپيرت بار. بۇل ٷش ايلىق قور. 80 000 ماسكا ٷش اپتاعا جەتەدٸ. دەزينفەكتسييالىق زاتتارمەن دە قامتاماسىز ەتٸلگەن. سونىمەن قاتار اۋرۋحانادا اسا قاۋٸپتٸ ينفەكتسييالىق اۋرۋعا ارنالعان 50 جەكە قورعانىس كوستيۋمٸ بار», - دەدٸ تٸلەۋحان ەبٸلداەۆ.
سونداي-اق, وبلىستان قاتىنايتىن مەديتسينا قىزمەتكەرلەرٸن ۋاقىتشا باسپانامەن قامتاماسىز ەتۋ مەسەلەسٸ تولىقتاي شەشٸلگەن. ماماندارعا حوستەل, قوناق ٷي مەن جاتاقحانادان بٶلمەلەر بٶلٸندٸ.
بۇدان بٶلەك مەديتسينا قىزمەتكەرلەرٸنە ەكٸمدٸك تەگٸن تاماق بەرەدٸ.
