Foto: Almaty ákimdigi
Almatydaǵy Jeltoqsan kóshesindegi josparly jóndeý jumystaryna bailanysty kólik qozǵalysyna ýaqytsha shekteý engiziledi.
— 3 shilde kúni saǵat 08:00-den 22:00-ge Gogol kóshesinen Raiymbek batyr dańǵylyna deiingi jolda kólik qozǵalysy ýaqytsha toqtatylady. Bul aýmaqty Naýryzbai batyr kóshesi men Abylai han dańǵyly arqyly ainalyp ótýge bolady. Jóndeletin ýchaskede eskertý belgileri, merdiger uiym basshysynyń bailanys nómiri jazylǵan taqta qoiylady,— dep habarlady ákimdikten.
Osyǵan deiin BRT qurylysy kezinde búlingen jiekter ǵana aýystyrylatyny týraly jazǵanbyz.
Eske salaiyq, Raiymbek dańǵylynda BRT qurylysy sáýir aiynda bastalǵan bolatyn.
BRT jelisiniń jalpy uzyndyǵy — 17 shaqyrym. Onyń 9 shaqyrymyn Pýshkin men Ahrimenko kósheleriniń aralyǵynda salý josparlanǵan. Joba aiasynda avtobýstarǵa arnaiy jolaqtar salynyp, jańa aialdama keshenderi ornatylady.
