فوتو: الماتى ەكٸمدٸگٸ
الماتىداعى جەلتوقسان كٶشەسٸندەگٸ جوسپارلى جٶندەۋ جۇمىستارىنا بايلانىستى كٶلٸك قوزعالىسىنا ۋاقىتشا شەكتەۋ ەنگٸزٸلەدٸ.
— 3 شٸلدە كٷنٸ ساعات 08:00-دەن 22:00-گە گوگول كٶشەسٸنەن رايىمبەك باتىر داڭعىلىنا دەيٸنگٸ جولدا كٶلٸك قوزعالىسى ۋاقىتشا توقتاتىلادى. بۇل اۋماقتى ناۋرىزباي باتىر كٶشەسٸ مەن ابىلاي حان داڭعىلى ارقىلى اينالىپ ٶتۋگە بولادى. جٶندەلەتٸن ۋچاسكەدە ەسكەرتۋ بەلگٸلەرٸ, مەردٸگەر ۇيىم باسشىسىنىڭ بايلانىس نٶمٸرٸ جازىلعان تاقتا قويىلادى,— دەپ حابارلادى ەكٸمدٸكتەن.
وسىعان دەيٸن BRT قۇرىلىسى كەزٸندە بٷلٸنگەن جيەكتەر عانا اۋىستىرىلاتىنى تۋرالى جازعانبىز.
ەسكە سالايىق, رايىمبەك داڭعىلىندا BRT قۇرىلىسى سەۋٸر ايىندا باستالعان بولاتىن.
BRT جەلٸسٸنٸڭ جالپى ۇزىندىعى — 17 شاقىرىم. ونىڭ 9 شاقىرىمىن پۋشكين مەن احريمەنكو كٶشەلەرٸنٸڭ ارالىعىندا سالۋ جوسپارلانعان. جوبا اياسىندا اۆتوبۋستارعا ارنايى جولاقتار سالىنىپ, جاڭا ايالداما كەشەندەرٸ ورناتىلادى.
