Almatyda Toyota júrgizýshisi blok beketti soǵyp ótti. Saldarynan bir politsei zardap shekken, dep habarlaidy QazAqparat.
«Jol apaty búgin saǵat 15.00-de bolǵan. Almaty oblysy Qarasai aýdany Kóksai aýylynyń 1970 jylǵy turǵyny «Toyota Ipsum» kóligimen kele jatyp, Jańa ǵasyr kóshesiniń soltústik baǵytynda № 4 baqylaý-ótkizý beketindegi metall týrniket soǵylǵan. Ári qarai qozǵalysty jalǵastyra otyryp, júrgizýshi toqtap turǵan «Kia» markaly politsiia kóligimen betpe-bet soqtyǵysyp, sodan keiin shette turǵan «Lada Priora» men «Toiota Kamri» kóligine soǵyldy. Saldarynan qyzmettik kólikte otyrǵan politsei Mereke Otarǵazy zardap shekti. Ol jedel túrde aýrýhanaǵa jetkizildi. Onyń eki aiaǵy syndy», – dedi Almaty qalalyq PD resmi ókili Saltanat Ázirbek.
Qazirgi málimet boiynsha, kólikte mas júrgizýshi otyrǵan.
«Boljam boiynsha minivendi mas júrgizýshi basqarǵan. Endi onyń alkogolge nemese esirtkige mas bolǵandyǵyn anyqtaý úshin meditsinalyq tekseristen ótedi. Bekette adam kóp bolǵanymen, oqys oqiǵadan basqa eshkim zardap shekken joq «, – dedi Saltanat Ázirbek.
Bul derek QR Qylmystyq kodeksiniń 345-babynyń 1-bóligi boiynsha sotqa deiingi biryńǵai tergeý tizilimine tirkeldi.
