الماتىدا Toyota جٷرگٸزۋشٸسٸ بلوك بەكەتتٸ سوعىپ ٶتتٸ. سالدارىنان بٸر پوليتسەي زارداپ شەككەن, دەپ حابارلايدى قازاقپارات.
«جول اپاتى بٷگٸن ساعات 15.00-دە بولعان. الماتى وبلىسى قاراساي اۋدانى كٶكساي اۋىلىنىڭ 1970 جىلعى تۇرعىنى «Toyota Ipsum» كٶلٸگٸمەن كەلە جاتىپ, جاڭا عاسىر كٶشەسٸنٸڭ سولتٷستٸك باعىتىندا № 4 باقىلاۋ-ٶتكٸزۋ بەكەتٸندەگٸ مەتالل تۋرنيكەت سوعىلعان. ەرٸ قاراي قوزعالىستى جالعاستىرا وتىرىپ, جٷرگٸزۋشٸ توقتاپ تۇرعان «كيا» ماركالى پوليتسييا كٶلٸگٸمەن بەتپە-بەت سوقتىعىسىپ, سودان كەيٸن شەتتە تۇرعان «لادا پريورا» مەن «تويوتا كامري» كٶلٸگٸنە سوعىلدى. سالدارىنان قىزمەتتٸك كٶلٸكتە وتىرعان پوليتسەي مەرەكە وتارعازى زارداپ شەكتٸ. ول جەدەل تٷردە اۋرۋحاناعا جەتكٸزٸلدٸ. ونىڭ ەكٸ اياعى سىندى», – دەدٸ الماتى قالالىق پد رەسمي ٶكٸلٸ سالتانات ەزٸربەك.
قازٸرگٸ مەلٸمەت بويىنشا, كٶلٸكتە ماس جٷرگٸزۋشٸ وتىرعان.
«بولجام بويىنشا مينيۆەندٸ ماس جٷرگٸزۋشٸ باسقارعان. ەندٸ ونىڭ الكوگولگە نەمەسە ەسٸرتكٸگە ماس بولعاندىعىن انىقتاۋ ٷشٸن مەديتسينالىق تەكسەرٸستەن ٶتەدٸ. بەكەتتە ادام كٶپ بولعانىمەن, وقىس وقيعادان باسقا ەشكٸم زارداپ شەككەن جوق «, – دەدٸ سالتانات ەزٸربەك.
بۇل دەرەك قر قىلمىستىق كودەكسٸنٸڭ 345-بابىنىڭ 1-بٶلٸگٸ بويىنشا سوتقا دەيٸنگٸ بٸرىڭعاي تەرگەۋ تٸزٸلٸمٸنە تٸركەلدٸ.
