Almaty ortalyǵyndaǵy avtobýs apatyna qatysy bar júrgizýshi qamaýǵa alyndy, dep habarlaidy "Ult aqparat".
"Almaty qalasy tergeý sotynyń qaýlysymen 11 qarashada sotqa deiingi tergeý organdarynyń kúdikti A-ǵa qatysty 2 aiǵa kúzetpen ustaý túrindegi bultartpaý sharasyn qoldaný týraly ótinishi sanktsiialandy. Qamaýǵa alý merzimi 2023 jyldyń 9 qańtar kúnine deiin belgilenedi", - deidi Almaty qalalyq sotynyń resmi ókili.
Eske salaiyq, jantúrshigerlik apat 8 qarasha Tóle bi kóshesi men Abylai han dańǵylynyń qiylysynda bolǵan edi.
201-shi baǵdardaǵy avtobýs ekinshi qoǵamdyq kólikti búiirinen soqqan. Saldarynan 21 adam meditsinalyq kómekke júginip, 1 adam oqiǵa ornynda qaitys boldy. 9 adam aýrýhana tósegine tańyldy. Onyń biri - on úshtegi jasóspirim.
Adam ólimine ákep soqqan jol-kólik oqiǵasy deregin tekserip jatqan Almaty qalalyq PD anyqtaý basqarmasy málimetinshe, JKO syzbasyna jáne beinebaqylaý júieleriniń taldaýyna sáikes, saǵat 14:05-te jeke tasymaldaýshylardyń birine tiesili "MAZ-203069" qoǵamdyq kóliginiń júrgizýshisi 1987 jyly týǵan A. esimdi er adam, Abylai han dańǵylymen ońtústik baǵytta kele jatyp, Tóle bi dańǵylynyń qiylysynda baǵdarshamnyń tyiym salynǵan belgisine ótip ketip, Tóle bi dańǵylymen shyǵys baǵytta kele jatqan "GOLDEN DRAGON XML6125CN" markaly qoǵamdyq kólikpen soqtyǵysqan.
Bul derek QR QK-niń 345-baby 3-bóligine sáikes sotaldy tergeýdiń biryńǵai tizilimine tirkelgen. Tiisti saraptamalar taǵaiyndaldy.
