«Buqar jyraý» turǵyn úi kesheni kúzetshisiniń jaǵdaiy turaqty, dep habarlady "Ult aqparat".
Basqarma málimetine súiensek, jaraqat alǵan er adamǵa tiisti kómek kórsetilýde.
«Qazirgi ýaqytta naýqastyń jaǵdaiy turaqty, barlyq qajetti simptomatikalyq terapiiany alady», - dep habarlady Almaty qalasy Qoǵamdyq densaýlyq saqtaý basqarmasynan.
24 sáýirde Almatydaǵy "Buhar Jyraý Taýers" turǵyn úi kesheninde ańshy myltyǵymen qarýlanǵan 56 jastaǵy azamat keshen kúzetshisimen eregisip qalyp, oǵan oq atqan. Artynan biik úidiń 17-qabatyndaǵy páterge tyǵylyp, sol jerde 30-ǵa jýyq oq atqan. Politsiia onymen birneshe saǵat kelissóz júrgizgen, biraq er azamat kelisimge kelmegen, eshqandai talap ta aitpaǵan. Keiin páterdiń terezesinen sekirip, qaza tapty.
Politsiianyń málimdeýinshe, kúdiktini ustaý operatsiiasynda atys qarýy qoldanylmaǵan.
Tergeý barysynda kúdikti Resei Federatsiiasynyń azamaty ekeni anyqtalady.
