Almatydaǵy dástúrli óner teatrynyń direktory ujymyndaǵy burynǵy jáne qazirgi qyzmetkerleriniń ústinen sotqa aryz túsirdi. Onymen qoimai, "ar-namysyma tidi" dep on million teńge óndirmekshi, dep habarlaidy Baq.kz aqparat agenttigi Eýraziia birinshi arnasyna silteme jasap.
Byltyr ǵana taǵaiyndalǵan basshy kelgeli, teatrdyń qyzmetkerleri birinen soń biri jumystan bosatylǵan. "Bildei jyrshydan qysymdyq kórdik, májbúrli túrde qyzmetten kettik degender" quqyq qorǵaý organdaryna teatrdyń bar bylyǵyn jaiyp salypty. Oǵan shydamaǵan direktor shara qoldana bastaǵan.
Baqytjan Arynov dástúrli óner teatryna jyl basynda jumysqa ornalasqan. Memlekettik mekeme bolǵan soń úi kezegine turý úshin mardymsyz jalaqysyna da kónipti. Biraq, jańa direktordyń túrtpegine ilinip, qaita-qaita sóz esti bergenin aitady. Tipti, basshysy jumystan óz erkińmen ketpeseń, moinyńa qaryz ilip jiberemin dep qorqytypty.
«Sol kezde bizde dvigatel janyp ketken. Ýaqyty kelgen soń kúiip ketti. Sol kezde sol «dvigateldi moinyńa ilemin eger jumystan shyqpasań» dedi. Samovolno óziń jaz da, jumystan shyq dedi» - deidi teatrdyń burynǵy qyzmetkeri Baqytjan Arynov.
Qara tizimge bir Baqytjan emes bas-aiaǵy seksenge jýyq qyzmetker ilingen. Kóbi sharýashylyq jumystarynda júrgenimen, arasynda rejisserler da bar eken. Báriniń aitatyny bireý «direktordan qysymdyq kórdik, mádenietsizdik tanytty, tipti "bilimsiz, biliksiz" dep aiyptady» deidi.
«Eger biz biliksiz maman bolatyn jaǵdaida qalai biz qala ákimi Baýyrjan Baibekten marapat alamyz? Mysaly maǵan qandai da bir qateler ketse, mynaý shimaidy jinalysta kórsetemin. Sosyn saýsaǵyń qalam ustaýǵa dirildeitin bolady dep» - deidi teatrdyń burynǵy qyzmetkeri Ainur Ybyraeva.
Teatr osydan eki jyl buryn ashylyp, eki júzge jýyq kisini jumyspen qamtyǵan. Teń jartysy óner adamdary. Tipti, mekemede soqyrlar men mylqaýlarǵa arnalǵan úiirme bar. Olardyń ózine áli kúnge deiin qysym kórsetilip keledi deidi qyzmetkerler. Tek, aitsa, jalaqysy kesiledi, aitpasa, shekten shyǵyp ketti, deidi.
«Qysym bar. Qosymsha kólik berilmeidi. Olar ózderi kórmeidi, estimeidi. Kúnde barady suraidy, bermeidi. Negizi paryz berýi. Qandai adamdar naqty ketken jumystan. Tek sharýashylyq emes, rejisserlar, hýd. rýkovoditelder ketken» - deidi teatrdyń burynǵy qyzmetkeri Amangeldi Mamyrbekov.
Osyǵan deiin qyzmetkerler májbúrli túrde jumystan ketkenderi týraly jan-jaqqa aryz jazypty. Eshkim qulaq túrmegendikten gazet betine de jariialaǵan. Ony estigen direktor ashýǵa minip, "ar-namysymdy taptady" degen jeleýmen qolastyndaǵylardy sotqa bergen. Materialdyq shyǵynnyń ózin 10 million teńge dep kórsetipti.
«Meniń jeke basyma, namysyma kir keltirdi dep 10 mln teńge óndirmekshi. Al bizdiń ailyǵymyz 30 myńǵa jetpeidi. Bizden qalai alýǵa bolady? Biz basqa jerde jumys istemeimiz. Qazir sol teatrda jumys istep jatyrmyn áli de» - deidi bilet baqylaýshy Jumagúl Óskenbaeva.
Al, teatr direktoryn búgin jumys ornynan tappadyq. Oń qoly ony quptap, qolpashtap qana otyr. Óitkeni, basshysy qysym kórsetpedi, bar bolǵany sapaly jumys talap etipti. Kónbegender óz erikterimen qyzmetterin tastap ketti deidi. Direktordyń sońynan qalmaǵan soń sotqa júginýge týra kelgenin aitady.
«Olar quzyrly mekemelerge aryz shaǵymyn toqtatqan joq. Bizdiń direktor osy ýaqytqa deiin shydady. Qańtar aiynan beri tynyshtyq bolmady. Tekserister boldy. Úndemegen saiyn ózi qylmysker bolmas úshin, ózi sol kisilerdi sotqa berdi» - deidi «Alataý» dástúrli óner teatry direktorynyń sharýashylyq máseleleri jónindegi orynbasary Azamat Aqan.
Al jumystan májbúrli túrde kettik degen qyzmetkerler orynbasardyń birde bir sózine ilanbady. Ózderinen on million teńge talap etken direktordyń isin Astanaǵa deiin jaiyp salamyz dep otyr. Al, eger "Alataý" dástúrli óner teatryna jańa basshy kelip, jumysqa shaqyrsa, qaita kelemiz deidi.
