الماتىداعى دەستٷرلٸ ٶنەر تەاترىنىڭ ديرەكتورى ۇجىمىنداعى بۇرىنعى جەنە قازٸرگٸ قىزمەتكەرلەرٸنٸڭ ٷستٸنەن سوتقا ارىز تٷسٸردٸ. ونىمەن قويماي, "ار-نامىسىما تيدٸ" دەپ ون ميلليون تەڭگە ٶندٸرمەكشٸ, دەپ حابارلايدى Baq.kz اقپارات اگەنتتٸگٸ ەۋرازييا بٸرٸنشٸ ارناسىنا سٸلتەمە جاساپ.
بىلتىر عانا تاعايىندالعان باسشى كەلگەلٸ, تەاتردىڭ قىزمەتكەرلەرٸ بٸرٸنەن سوڭ بٸرٸ جۇمىستان بوساتىلعان. "بٸلدەي جىرشىدان قىسىمدىق كٶردٸك, مەجبٷرلٸ تٷردە قىزمەتتەن كەتتٸك دەگەندەر" قۇقىق قورعاۋ ورگاندارىنا تەاتردىڭ بار بىلىعىن جايىپ سالىپتى. وعان شىداماعان ديرەكتور شارا قولدانا باستاعان.
باقىتجان ارىنوۆ دەستٷرلٸ ٶنەر تەاترىنا جىل باسىندا جۇمىسقا ورنالاسقان. مەملەكەتتٸك مەكەمە بولعان سوڭ ٷي كەزەگٸنە تۇرۋ ٷشٸن ماردىمسىز جالاقىسىنا دا كٶنٸپتٸ. بٸراق, جاڭا ديرەكتوردىڭ تٷرتپەگٸنە ٸلٸنٸپ, قايتا-قايتا سٶز ەستي بەرگەنٸن ايتادى. تٸپتٸ, باسشىسى جۇمىستان ٶز ەركٸڭمەن كەتپەسەڭ, موينىڭا قارىز ٸلٸپ جٸبەرەمٸن دەپ قورقىتىپتى.
«سول كەزدە بٸزدە دۆيگاتەل جانىپ كەتكەن. ۋاقىتى كەلگەن سوڭ كٷيٸپ كەتتٸ. سول كەزدە سول «دۆيگاتەلدٸ موينىڭا ٸلەمٸن ەگەر جۇمىستان شىقپاساڭ» دەدٸ. ساموۆولنو ٶزٸڭ جاز دا, جۇمىستان شىق دەدٸ» - دەيدٸ تەاتردىڭ بۇرىنعى قىزمەتكەرٸ باقىتجان ارىنوۆ.
قارا تٸزٸمگە بٸر باقىتجان ەمەس باس-اياعى سەكسەنگە جۋىق قىزمەتكەر ٸلٸنگەن. كٶبٸ شارۋاشىلىق جۇمىستارىندا جٷرگەنٸمەن, اراسىندا رەجيسسەرلەر دا بار ەكەن. بەرٸنٸڭ ايتاتىنى بٸرەۋ «ديرەكتوردان قىسىمدىق كٶردٸك, مەدەنيەتسٸزدٸك تانىتتى, تٸپتٸ "بٸلٸمسٸز, بٸلٸكسٸز" دەپ ايىپتادى» دەيدٸ.
«ەگەر بٸز بٸلٸكسٸز مامان بولاتىن جاعدايدا قالاي بٸز قالا ەكٸمٸ باۋىرجان بايبەكتەن ماراپات الامىز? مىسالى ماعان قانداي دا بٸر قاتەلەر كەتسە, مىناۋ شيمايدى جينالىستا كٶرسەتەمٸن. سوسىن ساۋساعىڭ قالام ۇستاۋعا دٸرٸلدەيتٸن بولادى دەپ» - دەيدٸ تەاتردىڭ بۇرىنعى قىزمەتكەرٸ اينۇر ىبىراەۆا.
تەاتر وسىدان ەكٸ جىل بۇرىن اشىلىپ, ەكٸ جٷزگە جۋىق كٸسٸنٸ جۇمىسپەن قامتىعان. تەڭ جارتىسى ٶنەر ادامدارى. تٸپتٸ, مەكەمەدە سوقىرلار مەن مىلقاۋلارعا ارنالعان ٷيٸرمە بار. ولاردىڭ ٶزٸنە ەلٸ كٷنگە دەيٸن قىسىم كٶرسەتٸلٸپ كەلەدٸ دەيدٸ قىزمەتكەرلەر. تەك, ايتسا, جالاقىسى كەسٸلەدٸ, ايتپاسا, شەكتەن شىعىپ كەتتٸ, دەيدٸ.
«قىسىم بار. قوسىمشا كٶلٸك بەرٸلمەيدٸ. ولار ٶزدەرٸ كٶرمەيدٸ, ەستٸمەيدٸ. كٷندە بارادى سۇرايدى, بەرمەيدٸ. نەگٸزٸ پارىز بەرۋٸ. قانداي ادامدار ناقتى كەتكەن جۇمىستان. تەك شارۋاشىلىق ەمەس, رەجيسسەرلار, حۋد. رۋكوۆوديتەلدەر كەتكەن» - دەيدٸ تەاتردىڭ بۇرىنعى قىزمەتكەرٸ امانگەلدٸ مامىربەكوۆ.
وسىعان دەيٸن قىزمەتكەرلەر مەجبٷرلٸ تٷردە جۇمىستان كەتكەندەرٸ تۋرالى جان-جاققا ارىز جازىپتى. ەشكٸم قۇلاق تٷرمەگەندٸكتەن گازەت بەتٸنە دە جارييالاعان. ونى ەستٸگەن ديرەكتور اشۋعا مٸنٸپ, "ار-نامىسىمدى تاپتادى" دەگەن جەلەۋمەن قولاستىنداعىلاردى سوتقا بەرگەن. ماتەريالدىق شىعىننىڭ ٶزٸن 10 ميلليون تەڭگە دەپ كٶرسەتٸپتٸ.
«مەنٸڭ جەكە باسىما, نامىسىما كٸر كەلتٸردٸ دەپ 10 ملن تەڭگە ٶندٸرمەكشٸ. ال بٸزدٸڭ ايلىعىمىز 30 مىڭعا جەتپەيدٸ. بٸزدەن قالاي الۋعا بولادى? بٸز باسقا جەردە جۇمىس ٸستەمەيمٸز. قازٸر سول تەاتردا جۇمىس ٸستەپ جاتىرمىن ەلٸ دە» - دەيدٸ بيلەت باقىلاۋشى جۇماگٷل ٶسكەنباەۆا.
ال, تەاتر ديرەكتورىن بٷگٸن جۇمىس ورنىنان تاپپادىق. وڭ قولى ونى قۇپتاپ, قولپاشتاپ قانا وتىر. ٶيتكەنٸ, باسشىسى قىسىم كٶرسەتپەدٸ, بار بولعانى ساپالى جۇمىس تالاپ ەتٸپتٸ. كٶنبەگەندەر ٶز ەرٸكتەرٸمەن قىزمەتتەرٸن تاستاپ كەتتٸ دەيدٸ. ديرەكتوردىڭ سوڭىنان قالماعان سوڭ سوتقا جٷگٸنۋگە تۋرا كەلگەنٸن ايتادى.
«ولار قۇزىرلى مەكەمەلەرگە ارىز شاعىمىن توقتاتقان جوق. بٸزدٸڭ ديرەكتور وسى ۋاقىتقا دەيٸن شىدادى. قاڭتار ايىنان بەرٸ تىنىشتىق بولمادى. تەكسەرٸستەر بولدى. ٷندەمەگەن سايىن ٶزٸ قىلمىسكەر بولماس ٷشٸن, ٶزٸ سول كٸسٸلەردٸ سوتقا بەردٸ» - دەيدٸ «الاتاۋ» دەستٷرلٸ ٶنەر تەاترى ديرەكتورىنىڭ شارۋاشىلىق مەسەلەلەرٸ جٶنٸندەگٸ ورىنباسارى ازامات اقان.
ال جۇمىستان مەجبٷرلٸ تٷردە كەتتٸك دەگەن قىزمەتكەرلەر ورىنباساردىڭ بٸردە بٸر سٶزٸنە يلانبادى. ٶزدەرٸنەن ون ميلليون تەڭگە تالاپ ەتكەن ديرەكتوردىڭ ٸسٸن استاناعا دەيٸن جايىپ سالامىز دەپ وتىر. ال, ەگەر "الاتاۋ" دەستٷرلٸ ٶنەر تەاترىنا جاڭا باسشى كەلٸپ, جۇمىسقا شاقىرسا, قايتا كەلەمٸز دەيدٸ.
