2020 jyldyń jeltoqsanynda Abai kóshesin uzartý jumystary aiaqtalady. Bul týraly Naýryzbai aýdanynyń ákimi Sanjar Toǵai aitty, dep habarlaidy "Ult aqparat".
Sanjar Toǵaidyń aitýynsha, Abai dańǵylyn sozý jumystary jalǵasýda. Eger jol túsetin ýchaskeler satyp alynsa, kedergiler bolmasa, qurylys jumystary 2020 jyly tolyqtai aiaqtalady.
«Qazir bizde sot sheshimi bar. Biz úilerdiń basym bóligin satyp aldyq, shamamen 15% qaldy. Baspanalaryn satqan adamdar tólengen ótemaqy mólsherine riza. Biz barlyq úilerdi naryqtyq baǵamen satyp alamyz», - deidi Naýryzbai aýdanynyń ákimi Sanjar Toǵai.
Jalpy, Abai dańǵylyn uzartý úshin 194 jer ýchaskesin qaitaryp alý qajet bolǵan. Búginde 128-i satyp alyndy, 36 ýchaske satyp alýǵa daiyn, 25-i sotta jáne 3 ýchaske paidalanýda.
«Eki ýchaskeni qosý qaldy. Biz ony jeltoqsan aiynda aiaqtaýdy josparlap otyrmyz. Eger atalǵan merzimge deiin úlgermesek, onda kelesi jyldyń birinshi toqsanynda bitiremiz», – dedi Sanjar Toǵai.
Sonymen qatar, ol ótken jyly respýblikalyq biýdjetten jer satyp alýǵa qosymsha 3,7 mlrd teńge bólingenin atap ótti.
