2020 جىلدىڭ جەلتوقسانىندا اباي كٶشەسٸن ۇزارتۋ جۇمىستارى اياقتالادى. بۇل تۋرالى ناۋرىزباي اۋدانىنىڭ ەكٸمٸ سانجار توعاي ايتتى, دەپ حابارلايدى "ۇلت اقپارات".
سانجار توعايدىڭ ايتۋىنشا, اباي داڭعىلىن سوزۋ جۇمىستارى جالعاسۋدا. ەگەر جول تٷسەتٸن ۋچاسكەلەر ساتىپ الىنسا, كەدەرگٸلەر بولماسا, قۇرىلىس جۇمىستارى 2020 جىلى تولىقتاي اياقتالادى.
«قازٸر بٸزدە سوت شەشٸمٸ بار. بٸز ٷيلەردٸڭ باسىم بٶلٸگٸن ساتىپ الدىق, شامامەن 15% قالدى. باسپانالارىن ساتقان ادامدار تٶلەنگەن ٶتەماقى مٶلشەرٸنە ريزا. بٸز بارلىق ٷيلەردٸ نارىقتىق باعامەن ساتىپ الامىز», - دەيدٸ ناۋرىزباي اۋدانىنىڭ ەكٸمٸ سانجار توعاي.
جالپى, اباي داڭعىلىن ۇزارتۋ ٷشٸن 194 جەر ۋچاسكەسٸن قايتارىپ الۋ قاجەت بولعان. بٷگٸندە 128-ٸ ساتىپ الىندى, 36 ۋچاسكە ساتىپ الۋعا دايىن, 25-ٸ سوتتا جەنە 3 ۋچاسكە پايدالانۋدا.
«ەكٸ ۋچاسكەنٸ قوسۋ قالدى. بٸز ونى جەلتوقسان ايىندا اياقتاۋدى جوسپارلاپ وتىرمىز. ەگەر اتالعان مەرزٸمگە دەيٸن ٷلگەرمەسەك, وندا كەلەسٸ جىلدىڭ بٸرٸنشٸ توقسانىندا بٸتٸرەمٸز», – دەدٸ سانجار توعاي.
سونىمەن قاتار, ول ٶتكەن جىلى رەسپۋبليكالىق بيۋدجەتتەن جەر ساتىپ الۋعا قوسىمشا 3,7 ملرد تەڭگە بٶلٸنگەنٸن اتاپ ٶتتٸ.
