Almaty qalasy boiynsha Qarjylyq monitoring agenttiginiń aýmaqtyq departamenti Almaty qalasy bilim basqarmasynyń №3 oqýshylar úii» MKQK bas býhgalteri E.L.Ofitserovaǵa qatysty asa iri mólsherde bótenniń múlkin urlaý faktisi boiynsha sotqa deiingi tergeýdi aiaqtady, dep habarlaidy QazAqparat.
Tergeý barysynda bas býhgalter 2013-2020 jyldar aralyǵynda óziniń kartochkalyq esepshotyna jalpy somasy 50 mln. teńgeden astam biýdjet qarajatynyń jalǵan jalaqysyn zańsyz aýdarǵany, sol arqyly memlekettik mekemege asa iri mólsherde materialdyq zalal keltirgeni anyqtaldy.
«Sot úkimimen eks-Bas býhgalter QR QK 189-baby 4-bóligi (asa iri mólsherde senip tapsyrylǵan bóten múlikti iemdený nemese ysyrap etý) boiynsha 10 jyl merzimge materialdyq-jaýapty laýazymdardy atqarý quqyǵynan aiyra otyryp, kináli dep tanyldy», - delingen QR Qarjylyq monitoring agenttiginiń baspasóz qyzmeti taratqan habarlamada.
