الماتى قالاسى بويىنشا قارجىلىق مونيتورينگ اگەنتتٸگٸنٸڭ اۋماقتىق دەپارتامەنتٸ الماتى قالاسى بٸلٸم باسقارماسىنىڭ №3 وقۋشىلار ٷيٸ» مكقك باس بۋحگالتەرٸ ە.ل.وفيتسەروۆاعا قاتىستى اسا ٸرٸ مٶلشەردە بٶتەننٸڭ مٷلكٸن ۇرلاۋ فاكتٸسٸ بويىنشا سوتقا دەيٸنگٸ تەرگەۋدٸ اياقتادى, دەپ حابارلايدى قازاقپارات.
تەرگەۋ بارىسىندا باس بۋحگالتەر 2013-2020 جىلدار ارالىعىندا ٶزٸنٸڭ كارتوچكالىق ەسەپشوتىنا جالپى سوماسى 50 ملن. تەڭگەدەن استام بيۋدجەت قاراجاتىنىڭ جالعان جالاقىسىن زاڭسىز اۋدارعانى, سول ارقىلى مەملەكەتتٸك مەكەمەگە اسا ٸرٸ مٶلشەردە ماتەريالدىق زالال كەلتٸرگەنٸ انىقتالدى.
«سوت ٷكٸمٸمەن ەكس-باس بۋحگالتەر قر قك 189-بابى 4-بٶلٸگٸ (اسا ٸرٸ مٶلشەردە سەنٸپ تاپسىرىلعان بٶتەن مٷلٸكتٸ يەمدەنۋ نەمەسە ىسىراپ ەتۋ) بويىنشا 10 جىل مەرزٸمگە ماتەريالدىق-جاۋاپتى لاۋازىمداردى اتقارۋ قۇقىعىنان ايىرا وتىرىپ, كٸنەلٸ دەپ تانىلدى», - دەلٸنگەن قر قارجىلىق مونيتورينگ اگەنتتٸگٸنٸڭ باسپاسٶز قىزمەتٸ تاراتقان حابارلامادا.
