Almaty politsiiasy Batyrlar alleiasynyń mańdaishalaryn urlaǵandardy ustady, – dep habarlaidy "Ult aqparat" Polisia.kz saityna silteme jasap.
Aita keteiik, 28 gvardiiashy-panfilovshylar atyndaǵy saiabaqta batyrlar alleiasynyń tuǵyrynan eki árip pen 13 mańdaishanyń urlanǵany týraly aryz politsiiaǵa 4 naýryzda túsken bolatyn. Qylmystyq is QR QK-niń 188-baby 1-bóligi boiynsha sotaldy tergeýdiń biryńǵai tizilimine tirkeldi.
"Bul qylmysty ashý úshin arnaiy jedel-tergeý toby quryldy, onyń quramyna qalanyń kriminaldyq politsiiasynyń qyzmetkerleri de kirdi. Urylar birden anyqtaldy. Sondai-aq, qysqa merzimde olar aidaǵan kólikti anyqtaý múmkin boldy. Kúdiktiler - úsheý, olar 25 jáne 26 jastaǵylar. Kúdiktiler - Almaty oblysy Eńbekshiqazaq aýdanyna qarasty aýyldardyń biriniń turǵyndary. Qylmyskerler ustalyp, qamaýǵa alyndy. Olar shoiyn mańdaishalar men áripterdi qabyldaý pýnktine ótkizý úshin urlap ketkenderin moiyndady. Biz urlanǵan múliktiń satylý baǵytyn jedel anyqtap, urlanǵan zattardy satyp alýǵa qatysy bar taǵy úsh aiyptalýshyny anyqtadyq. Olar da sol aýyldyń turǵyndary. Sońǵy oryn - Almaty qalasy Túrksib aýdanyndaǵy Bekmahanov kóshesi boiyndaǵy metall qabyldaý pýnkti. Batyrlar Alleiasynan alynǵan áripter men mańdaishalardy eritýge daiyndaǵan", - dedi Medeý aýdandyq Politsiia basqarmasynyń bastyǵy Dáýren Ótebaev.
Zattai aiǵaqtar tárkilendi. Olardyń jalpy salmaǵy 44,5 keli boldy. Satyp alýshylarǵa qatysty QR QK-niń 188-baby boiynsha qylmystyq is qozǵaldy. Olar da ýaqytsha ustaý izoliatoryna qamaldy.
