Foto: Almaty ákimdigi
2025 jyly sáýirde Almaty ákimdigi Qytaidyń Inspur kompaniiasymen birlesip Ziiatkerlik kólik júiesi (ITS) tujyrymdamasyn ázirleýdi aiaqtady. Bul júieni 2026 jyldyń tamyzyna deiin iske qosý josparlanyp otyr, dep habarlaidy Ult.kz.
Jyl sońyna deiin qaladaǵy qoǵamdyq kóliktiń 100%-y ekologiialyq talaptarǵa sai bolady. Qazirdiń ózinde 600 gazben júretin jáne 200 elektrobýs satyp alýǵa baiqaýlar jariialanǵan. Buǵan qosa, jeke tasymaldaýshylar qosymsha 800 gazben júretin jáne 118 elektrobýs satyp alynbaq.
6 jeke investorǵa 233 elektr qýattaý stantsiiasyn ornatýǵa tehnikalyq sharttar berildi. Sonymen qatar, 10 trolleibýs qosalqy stantsiiasyn jańǵyrtý úshin «jasyl» obligatsiialar esebinen qujattar daiyndaldy.
Biyl Almaty ákimdigi alǵash ret elektrobýs satyp alý men trolleibýs infraqurylymyn jańǵyrtýdan bólek, Jeltoqsan kóshesi boiyndaǵy BRT jelisiniń qurylysyn jalǵastyrýǵa da arnalǵan «jasyl» obligatsiialar shyǵarmaq.
