Almatyda Toyota Camry kóliginiń ieleri urlyq týraly shaǵymdandy. Jyl basynan beri 17 kólik qoldy bolǵan, dep habarlaidy "Ult aqparat".
Toyota Camry ieleri arnaiy beinerolik jazyp, úndeý jariialady.
«Kólik ielerine aitarymyz – jaqsy GPS quralyn ornatyńyzdar. Tutas qylmystyq top jumys jasap jatyr. Ishki ister ministrligi arnaiy shara qabyldaidy dep úmittenemiz», - deidi urlanǵan múlik ieleri.
Qalalyq politsiia departamentiniń habarlaýynsha, qyrkúiek aiynan beri 5 Toyota Camry iesi kóligi urlanǵanyn aityp, shaǵym túsirgen.
«17 jeltoqsanda Almaty turǵyny Toyota Camry 70 kóligin bireý aidap ketkenin habarlady. Kólik iesi múlikti áieliniń atyna jazdyrǵan. Keshke úige qonaqqa kelgen er adamnyń tanysy úi iesiniń syrtta turǵan kóligin minip, Jambyl oblysy jaqqa shyǵyp ketken. GPS signalynyń arqasynda onyń qaida ketkenin tabý ońai boldy», - dedi departamenttiń baspasóz qyzmetinen.
Politsiia qyzmetkerleri avtokólik ielerine sapaly GPS quralyn ornatýǵa keńes berdi.
«Bul sizdiń qaýipsizdigińiz úshin. 11 kólik tabylyp, ielerine qaitaryldy. Olardyń basym kópshiliginde GPS dabyl boldy», - dedi politsiia departamentiniń baspasóz qyzmetinen.
