الماتىدا Toyota Camry كٶلٸگٸنٸڭ يەلەرٸ ۇرلىق تۋرالى شاعىمداندى. جىل باسىنان بەرٸ 17 كٶلٸك قولدى بولعان, دەپ حابارلايدى "ۇلت اقپارات".
Toyota Camry يەلەرٸ ارنايى بەينەروليك جازىپ, ٷندەۋ جارييالادى.
«كٶلٸك يەلەرٸنە ايتارىمىز – جاقسى GPS قۇرالىن ورناتىڭىزدار. تۇتاس قىلمىستىق توپ جۇمىس جاساپ جاتىر. ٸشكٸ ٸستەر مينيسترلٸگٸ ارنايى شارا قابىلدايدى دەپ ٷمٸتتەنەمٸز», - دەيدٸ ۇرلانعان مٷلٸك يەلەرٸ.
قالالىق پوليتسييا دەپارتامەنتٸنٸڭ حابارلاۋىنشا, قىركٷيەك ايىنان بەرٸ 5 Toyota Camry يەسٸ كٶلٸگٸ ۇرلانعانىن ايتىپ, شاعىم تٷسٸرگەن.
«17 جەلتوقساندا الماتى تۇرعىنى Toyota Camry 70 كٶلٸگٸن بٸرەۋ ايداپ كەتكەنٸن حابارلادى. كٶلٸك يەسٸ مٷلٸكتٸ ەيەلٸنٸڭ اتىنا جازدىرعان. كەشكە ٷيگە قوناققا كەلگەن ەر ادامنىڭ تانىسى ٷي يەسٸنٸڭ سىرتتا تۇرعان كٶلٸگٸن مٸنٸپ, جامبىل وبلىسى جاققا شىعىپ كەتكەن. GPS سيگنالىنىڭ ارقاسىندا ونىڭ قايدا كەتكەنٸن تابۋ وڭاي بولدى», - دەدٸ دەپارتامەنتتٸڭ باسپاسٶز قىزمەتٸنەن.
پوليتسييا قىزمەتكەرلەرٸ اۆتوكٶلٸك يەلەرٸنە ساپالى GPS قۇرالىن ورناتۋعا كەڭەس بەردٸ.
«بۇل سٸزدٸڭ قاۋٸپسٸزدٸگٸڭٸز ٷشٸن. 11 كٶلٸك تابىلىپ, يەلەرٸنە قايتارىلدى. ولاردىڭ باسىم كٶپشٸلٸگٸندە GPS دابىل بولدى», - دەدٸ پوليتسييا دەپارتامەنتٸنٸڭ باسپاسٶز قىزمەتٸنەن.
