"20:10 shamasynda aýlaǵa kirer kezde joldan jas jigit ótip bara jatqan, óte saliqaly kórindi, maǵan uzaq qarap turdy. Men tanysym shyǵar, amandasaiyn dep te oiladym. Biraq tanymadym da, ary kete berdim. Kire beriste ol meni qýyp jetti. Burylǵanymsha sómkeme jarmasyp, tarta bastady, Sosyn meni súirei jóneldi, tizemdi jaraqattap aldym, meni turǵan kólikke soqty da, sómkemdi alyp qashyp ketti", - deidi Mednikova. Onyń aitýynsha, sómkede disk, qujattar, jetkizip berýshilermen kelisimder, uiym móri jáne Atyraýda ótetin ZhasCamp formaldy emes konferentsiia qatysýshylaryna berilý kerek bolǵan jarty million teńge bolǵan.
Mednikovanyń oiynsha, oǵan shabýyl jaidan-jai jasalmady. "Men tonaý boldy dep oilamaimyn - ury dál meni ańdydy, aýlaǵa kirer tusta bet-júzge qarap júrip. Menińshe bul jumysymmen bailanysty", - deidi ol.
Almaty qalasy IID-niń resmi ókili Saltanat Ázirbek Tengrinews.kz tilshisine shabýyl fakti boiynsha sot aldy tergeý jumystary bastalǵanyn habarlady. "Sot aldy tergeý QR QK 191-baby ("Tonaý") boiynsha bastaldy. Bostandyq aýdany IIB-niń politsiia bólimshesinde Almaty qalasy IID kriminaldy politsiia qyzmetkerleri kiretin jedel tergeý toby quryldy",- dep atap ketti Ázirbek.
