Almatydaǵy janarmai quiý beketteriniń birinde júrgizýshi áiel 18 jastaǵy qyzmetkerge shabýyl jasady, - dep habarlaidy Tengrinews.kz.
Oqiǵa beinebaqylaý kameralaryna túsip qalǵan. Kadrlardan kóligine benzin quiyp jatqan áieldi jáne onyń janynda janarmai quiý beketiniń qyzmetkeri turǵanyn kórýge bolady. Júrgizýshi kóligine benzin quiyp bolyp, al qyzmetker kóliktiń bagyn jabýǵa kirisedi. Osy sátte áiel qyzmetkerdiń moinyna jarmasyp, ony jerge qulatyp, birneshe soqqy jasaidy. Kýágerler janjalǵa aralasyp, taraptardan tynyshtanýdy suraidy.
Jazba sipattamasynda oqiǵa 10 naýryzda Jetisý kóshesi men Raiymbek dańǵyly qiylysyna jaqyn mańdaǵy janar-jaǵarmai quiý beketinde bolǵany aitylǵan.
"18 jastaǵy janarmai quiý stantsiiasynyń qyzmetkerine klient shabýyl jasady. Ol benzin quiatyn shúmekti alyp úlgermegen, sodan keiin áiel ony balaǵattai bastaǵan. Ony tynyshtandyrýǵa tyrysqanda, tóbeles shyǵarǵan. Klient jaýap alý kezinde qyzmetkerge qoqan-loqy kórsetip, qorqytýǵa tyrysyp jatyr. Bul rette Jetisý aýdanynyń ýchaskelik politsiia qyzmetkeri bul qoqan-loqylarǵa nazar aýdarmai, júrgizýshiniń jaǵyna shyǵyp otyr. Qońyraý shalyp, aryzdy qaitaryp alýymyzdy talap etti", - delingen jazba sipattamasynda.
Politsiia departamenti bul fakt boiynsha saraptama taǵaiyndalǵanyn habarlady. Qyzmetkerdiń alǵan jaraqattary aýyr nemese ortasha aýyr bolsa, qylmystyq is qozǵalady. Densaýlyqqa jeńil ziian kelgen jaǵdaida tártip saqshylary ákimshilik is qozǵaidy.
"Sot-meditsinalyq saraptama aýyrlyq dárejesin anyqtaýy kerek, sodan keiin saralanady", - deidi Almaty PD resmi ókili Saltanat Ázirbek.
