Kardiologiia jáne ishki aýrýlar ǵylymi-zertteý institýtynynyń dárigerleri reseilik áriptestermen birlesip kúrdeli júrek yrǵaǵynyń buzylýyn emdeýge arnalǵan qurylǵynyń sońǵy nusqasy - CARTO 3V7 Prime kómegimen operatsiialar jasap jatyr, dep habarlaidy QazAqparat.
Kardiologiia jáne ishki aýrýlar ǴZI-da jaqyn jáne alys shetelderdiń jetekshi ǵylymi meditsinalyq ortalyqtarymen yntymaqtastyq sheńberinde klinikanyń aritmologtary úshin irgeli jáne transliatsiialyq meditsina federaldy zertteý ortalyǵynyń (Resei) jetekshi qyzmetkeri, meditsina ǵylymdarynyń doktory Sergei Artemenkonyń qatysýymen júrek yrǵaǵynyń kúrdeli buzylýlary bar naýqastarǵa operatsiialar jasaidy.
«Biylyǵy jyly biz rentgenendovaskýliarlyq operatsiialyq blokty halyqaralyq sapa standarttaryna sáikes jetildirdik. Júrek aritmiiasyn emdeý máselelerinde «altyn standart» dep tanylǵan CARTO 3 V7 Prime erekshe úsh ólshemdi júrekishilik navigatsiia júiesin ornattyq. Bul júie júrek yrǵaǵynyń kúrdeli buzylýlary bar naýqastarǵa tiimdi kómek kórsetýge múmkindik beredi. Ol júrekke jasalatyn túrli aritmologiialyq aralasýlar kezinde jáne halyqaralyq tájiribede sátti qoldanylady», - dedi deidi institýttyń Basqarma tóraǵasy Roza Qýanyshbekova.
Onyń aitýynsha, emdeýdiń eń innovatsiialyq ádisteriniń biri radiojiilikti ablatsiia (RJA) tásili. CARTO 3 V7 Prime paidalaný osyndai protsedýranyń tiimdiligi men qaýipsizdigin qamtamasyz etedi. Osy erekshe qondyrǵy júrektiń tolyq úsh ólshemdi kartalaryn jasaýǵa jáne adam ólimine alyp kelýi múmkin aýrý - aritmiianyń kóptegen túrlerin emdeýge qabiletti.
«16 aqpannan 19 aqpanǵa deiin sheberlik klasy sheńberinde túrli jastaǵy júrektiń kúrdeli patologiiasy bar shamamen 30 patsientke operatsiia jasalatyn bolady. Erekshe bir jaǵdaidy aita ketý kerek, búgin 27 jastaǵy, 20 aptalyq júktiligi bar patsientke operatsiia jasaldy. Ol álsizdik, basynyń ainalýy, esinen taný, júrek jumysyndaǵy úzilister, qalypty dene qimylynyń júktemesi kezinde entigý, jalpy álsizdik, sharshaý sekildi belgilermen ilesetin júrek soǵysynyń jiilený ustamasynyń bolatyndyǵyna shaǵymdandy. Oǵan paroksizmaldy qarynshaústi tahikardiia diagnozy qoiyldy. Sinkope. Operatsiia sátti ótti. Patsient ózin jaqsy sezinedi», - deidi dáriger.
