كارديولوگييا جەنە ٸشكٸ اۋرۋلار عىلىمي-زەرتتەۋ ينستيتۋتىنىنىڭ دەرٸگەرلەرٸ رەسەيلٸك ەرٸپتەستەرمەن بٸرلەسٸپ كٷردەلٸ جٷرەك ىرعاعىنىڭ بۇزىلۋىن ەمدەۋگە ارنالعان قۇرىلعىنىڭ سوڭعى نۇسقاسى - CARTO 3V7 Prime كٶمەگٸمەن وپەراتسييالار جاساپ جاتىر, دەپ حابارلايدى قازاقپارات.
كارديولوگييا جەنە ٸشكٸ اۋرۋلار عزي-دا جاقىن جەنە الىس شەتەلدەردٸڭ جەتەكشٸ عىلىمي مەديتسينالىق ورتالىقتارىمەن ىنتىماقتاستىق شەڭبەرٸندە كلينيكانىڭ اريتمولوگتارى ٷشٸن ٸرگەلٸ جەنە ترانسلياتسييالىق مەديتسينا فەدەرالدى زەرتتەۋ ورتالىعىنىڭ (رەسەي) جەتەكشٸ قىزمەتكەرٸ, مەديتسينا عىلىمدارىنىڭ دوكتورى سەرگەي ارتەمەنكونىڭ قاتىسۋىمەن جٷرەك ىرعاعىنىڭ كٷردەلٸ بۇزىلۋلارى بار ناۋقاستارعا وپەراتسييالار جاسايدى.
«بيىلىعى جىلى بٸز رەنتگەنەندوۆاسكۋليارلىق وپەراتسييالىق بلوكتى حالىقارالىق ساپا ستاندارتتارىنا سەيكەس جەتٸلدٸردٸك. جٷرەك اريتميياسىن ەمدەۋ مەسەلەلەرٸندە «التىن ستاندارت» دەپ تانىلعان CARTO 3 V7 Prime ەرەكشە ٷش ٶلشەمدٸ جٷرەكٸشٸلٸك ناۆيگاتسييا جٷيەسٸن ورناتتىق. بۇل جٷيە جٷرەك ىرعاعىنىڭ كٷردەلٸ بۇزىلۋلارى بار ناۋقاستارعا تيٸمدٸ كٶمەك كٶرسەتۋگە مٷمكٸندٸك بەرەدٸ. ول جٷرەككە جاسالاتىن تٷرلٸ اريتمولوگييالىق ارالاسۋلار كەزٸندە جەنە حالىقارالىق تەجٸريبەدە سەتتٸ قولدانىلادى», - دەدٸ دەيدٸ ينستيتۋتتىڭ باسقارما تٶراعاسى روزا قۋانىشبەكوۆا.
ونىڭ ايتۋىنشا, ەمدەۋدٸڭ ەڭ يننوۆاتسييالىق ەدٸستەرٸنٸڭ بٸرٸ راديوجيٸلٸكتٸ ابلاتسييا (رجا) تەسٸلٸ. CARTO 3 V7 Prime پايدالانۋ وسىنداي پروتسەدۋرانىڭ تيٸمدٸلٸگٸ مەن قاۋٸپسٸزدٸگٸن قامتاماسىز ەتەدٸ. وسى ەرەكشە قوندىرعى جٷرەكتٸڭ تولىق ٷش ٶلشەمدٸ كارتالارىن جاساۋعا جەنە ادام ٶلٸمٸنە الىپ كەلۋٸ مٷمكٸن اۋرۋ - اريتمييانىڭ كٶپتەگەن تٷرلەرٸن ەمدەۋگە قابٸلەتتٸ.
«16 اقپاننان 19 اقپانعا دەيٸن شەبەرلٸك كلاسى شەڭبەرٸندە تٷرلٸ جاستاعى جٷرەكتٸڭ كٷردەلٸ پاتولوگيياسى بار شامامەن 30 پاتسيەنتكە وپەراتسييا جاسالاتىن بولادى. ەرەكشە بٸر جاعدايدى ايتا كەتۋ كەرەك, بٷگٸن 27 جاستاعى, 20 اپتالىق جٷكتٸلٸگٸ بار پاتسيەنتكە وپەراتسييا جاسالدى. ول ەلسٸزدٸك, باسىنىڭ اينالۋى, ەسٸنەن تانۋ, جٷرەك جۇمىسىنداعى ٷزٸلٸستەر, قالىپتى دەنە قيمىلىنىڭ جٷكتەمەسٸ كەزٸندە ەنتٸگۋ, جالپى ەلسٸزدٸك, شارشاۋ سەكٸلدٸ بەلگٸلەرمەن ٸلەسەتٸن جٷرەك سوعىسىنىڭ جيٸلەنۋ ۇستاماسىنىڭ بولاتىندىعىنا شاعىمداندى. وعان پاروكسيزمالدى قارىنشاٷستٸ تاحيكاردييا دياگنوزى قويىلدى. سينكوپە. وپەراتسييا سەتتٸ ٶتتٸ. پاتسيەنت ٶزٸن جاقسى سەزٸنەدٸ», - دەيدٸ دەرٸگەر.
