Almatyda jolaýshy avtobýs júrgizýshisin maska kiiýin ótingeni úshin tistep alǵan. Ákimdik oqiǵaǵa qatysty túsinikteme berdi, dep habarlaidy "Ult aqparat".
«Jolaýshy meni maska taǵýyn ótingenim úshin tistep aldy», – deidi júrgizýshi.
Qalalyq mobildilik basqarmasy oqiǵanyń № 54 marshrýttyq avtobýsta bolǵanyn habarlady.
«Oqiǵadan keiin jolaýshy qashyp ketken. Júrgizýshi politsiiaǵa aryz túsirmeitinin aitty. Barlyq jolaýshylardan maska rejimin saqtaýdy suraimyz», - dep atap ótti basqarmadaǵylar.
Buǵan deiin qalalyq mobildik basqarmasy, kólik holdingi men quqyq qorǵaý organdary qyzmetkerlerinen quralǵan monitoring toptary jolaýshylardyń sanitarlyq erejelerdi ustanýyn tekserýdi qolǵa alǵany týraly jazǵan bolatynbyz.
Aita ketken jón, monitoring toby sanitarlyq erejelerdi buzǵandarǵa aiyppul salyp, shara qoldanýǵa quqyly.
