Almatyda qoǵamdyq kóliktegi jol júrý aqysy tasymaldaýshylardyń shyǵynyn aqtamai jatyr. Bul týraly búgin baspasóz máslihatynda qalalyq Jolaýshylar kóligi jáne avtomobil joldary basqarmasynyń basshysy Maqsut Isahov aitty, dep habarlaidy "Ult aqparat" QazAqparat agenttigine silteme jasap.
Basqarma basshysynyń aitýynsha, qazirgi tarif - 80 teńge 2012 jyldan beri ózgermegen.
«Tasymaldaýshylarmen tikelei jumys jasaityn adam retinde aitaiyn, qazirgi 80 teńgelik tarif olardyń shyǵynyn aqtamai otyr. 2012 jyldan beri 6 jyl ótken. 6 jylda avtobýstardyń bólshek quraldary, avtobýstar qymbattady, janar-jaǵarmai quny ósti. Jyl saiyn infliatsiia bolyp jatyr. Sondyqtan, jol aqysyn qymbattatý máselesi qazir talqylanýda», - dedi Maqsut Isahov.
Onyń aitýynsha, 2012 jyldan beri Qazaqstannyń 6 qalasynda jol aqysy 3 ret kóterilgen. Almaty tarif kóterilmegen - jalǵyz qala.
Jolaqysyn qymbattatý týraly qaýly shyǵýyna 2 aidai ýaqyt ketedi.
Eń aldymen máslihatqa usynys berilmes buryn bul másele qoǵamdyq keńes talqysyna túsýi tiis. Odan keiin qalalyq kásipkerler palatasynda keńesten ótedi.
«Bul sheshim áli qabyldanǵan joq. Qarastyrylý ústinde. Tipti dál qazir qabyldanǵannyń ózinde qaýly shyǵyp, qoldanysqa enýine birneshe ai ýaqyt ótedi», - dedi M.Isahov.
