الماتىدا قوعامدىق كٶلٸكتەگٸ جول جٷرۋ اقىسى تاسىمالداۋشىلاردىڭ شىعىنىن اقتاماي جاتىر. بۇل تۋرالى بٷگٸن باسپاسٶز مەسليحاتىندا قالالىق جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى ماقسۇت يساحوۆ ايتتى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
باسقارما باسشىسىنىڭ ايتۋىنشا, قازٸرگٸ تاريف - 80 تەڭگە 2012 جىلدان بەرٸ ٶزگەرمەگەن.
«تاسىمالداۋشىلارمەن تٸكەلەي جۇمىس جاسايتىن ادام رەتٸندە ايتايىن, قازٸرگٸ 80 تەڭگەلٸك تاريف ولاردىڭ شىعىنىن اقتاماي وتىر. 2012 جىلدان بەرٸ 6 جىل ٶتكەن. 6 جىلدا اۆتوبۋستاردىڭ بٶلشەك قۇرالدارى, اۆتوبۋستار قىمباتتادى, جانار-جاعارماي قۇنى ٶستٸ. جىل سايىن ينفلياتسييا بولىپ جاتىر. سوندىقتان, جول اقىسىن قىمباتتاتۋ مەسەلەسٸ قازٸر تالقىلانۋدا», - دەدٸ ماقسۇت يساحوۆ.
ونىڭ ايتۋىنشا, 2012 جىلدان بەرٸ قازاقستاننىڭ 6 قالاسىندا جول اقىسى 3 رەت كٶتەرٸلگەن. الماتى تاريف كٶتەرٸلمەگەن - جالعىز قالا.
جولاقىسىن قىمباتتاتۋ تۋرالى قاۋلى شىعۋىنا 2 ايداي ۋاقىت كەتەدٸ.
ەڭ الدىمەن مەسليحاتقا ۇسىنىس بەرٸلمەس بۇرىن بۇل مەسەلە قوعامدىق كەڭەس تالقىسىنا تٷسۋٸ تيٸس. ودان كەيٸن قالالىق كەسٸپكەرلەر پالاتاسىندا كەڭەستەن ٶتەدٸ.
«بۇل شەشٸم ەلٸ قابىلدانعان جوق. قاراستىرىلۋ ٷستٸندە. تٸپتٸ دەل قازٸر قابىلدانعاننىڭ ٶزٸندە قاۋلى شىعىپ, قولدانىسقا ەنۋٸنە بٸرنەشە اي ۋاقىت ٶتەدٸ», - دەدٸ م.يساحوۆ.
