Almatyda jol júrý aqysy eki esege qymbattaýy múmkin. Tasymaldaýshylar qaýymdastyǵy tarifti kóterý týraly usynysyn ákimdikke jetkizgen, dep habarlaidy "Ult aqparat" KTK arnasyna silteme jasap.
Olardyń aitýynsha, 2012 jyldan beri baiaǵy jartas sol jartas. Baǵa ózgermegen. Al, alty jyldyń ishinde janarmaidyń baǵasy 80, gaz 112 paiyzǵa deiin sharyqtap ketken. Oǵan avtobýsty jóndeý sekildi qyzmet qunyn qosyńyz. Avtoparkter qazir qyl ústinde. Paidany oilamaq túgili, shyǵyn uiyǵynan qalai shyǵýdyń jolyn tappai bastary qatqan. Tyǵyryqtan shyǵýdyń joly biletti 80 teńgeden 150 teńgege deiin kóterý deidi qaýymdastyq. Bolmasa, shahar ákimdigi qosymsha sýbsidiia bólýin surap otyr. Eger de atqaminerler 150 teńgelik tarifti bekitse, onda Almaty Astanany basyp ozǵan "jol aqysy eń qymbat qalalardyń" kóshin bastaidy.
Sábit Amanbaev Almaty tasymaldaýshylar qaýymdastyǵynyń prezidenti:
- Tarif komissiiasy teksergen kezde 149 teńge ekeni dáleldengen. 149 teńge bolý kerek. Naryq kólemi 21 mlrd teńge. Al, qyzmetti qamtamasyz etý úshin tolyq 39 mlrd teńge kerek. Sonymen 18 mlrd teńge sýbsidiialaý qajet. Iaǵni, memlekettik qarjylandyrýmen sonda bul qyzmet qamtamasyz etiledi.
