الماتىدا جول جٷرۋ اقىسى ەكٸ ەسەگە قىمباتتاۋى مٷمكٸن. تاسىمالداۋشىلار قاۋىمداستىعى تاريفتٸ كٶتەرۋ تۋرالى ۇسىنىسىن ەكٸمدٸككە جەتكٸزگەن, دەپ حابارلايدى "ۇلت اقپارات" كتك ارناسىنا سٸلتەمە جاساپ.
ولاردىڭ ايتۋىنشا, 2012 جىلدان بەرٸ باياعى جارتاس سول جارتاس. باعا ٶزگەرمەگەن. ال, التى جىلدىڭ ٸشٸندە جانارمايدىڭ باعاسى 80, گاز 112 پايىزعا دەيٸن شارىقتاپ كەتكەن. وعان اۆتوبۋستى جٶندەۋ سەكٸلدٸ قىزمەت قۇنىن قوسىڭىز. اۆتوپاركتەر قازٸر قىل ٷستٸندە. پايدانى ويلاماق تٷگٸلٸ, شىعىن ۇيىعىنان قالاي شىعۋدىڭ جولىن تاپپاي باستارى قاتقان. تىعىرىقتان شىعۋدىڭ جولى بيلەتتٸ 80 تەڭگەدەن 150 تەڭگەگە دەيٸن كٶتەرۋ دەيدٸ قاۋىمداستىق. بولماسا, شاھار ەكٸمدٸگٸ قوسىمشا سۋبسيدييا بٶلۋٸن سۇراپ وتىر. ەگەر دە اتقامٸنەرلەر 150 تەڭگەلٸك تاريفتٸ بەكٸتسە, وندا الماتى استانانى باسىپ وزعان "جول اقىسى ەڭ قىمبات قالالاردىڭ" كٶشٸن باستايدى.
سەبيت امانباەۆ الماتى تاسىمالداۋشىلار قاۋىمداستىعىنىڭ پرەزيدەنتٸ:
- تاريف كوميسسيياسى تەكسەرگەن كەزدە 149 تەڭگە ەكەنٸ دەلەلدەنگەن. 149 تەڭگە بولۋ كەرەك. نارىق كٶلەمٸ 21 ملرد تەڭگە. ال, قىزمەتتٸ قامتاماسىز ەتۋ ٷشٸن تولىق 39 ملرد تەڭگە كەرەك. سونىمەن 18 ملرد تەڭگە سۋبسيدييالاۋ قاجەت. ياعني, مەملەكەتتٸك قارجىلاندىرۋمەن سوندا بۇل قىزمەت قامتاماسىز ەتٸلەدٸ.
