Almatyda jol talǵamaityn kóliktiń júrgizýshisi «Sergek» kameralaryn aldamaq bolǵan, dep habarlaidy "Ult aqparat".
Politsiianyń málimetishe, 35 jastaǵy «Nissan Patrol» avtokóliginiń júrgizýshisi jol qozǵalysy erejelerin buza otyryp, jazadan jaltarý maqsatynda kóliktiń aldyńǵy nómirin aýdaryp júrgen.
«Sergek» avtomattandyrylǵan júiesine monitoring júrgizý kezinde aldyńǵy nómirdi jasyrý maqsatynda nómirdi aýdaryp otyratyn arnaiy mehanikalyq jabdyq ornatqan buzýshy anyqtaldy. Beinekameralarǵa jaqyndaǵan kezde jol talǵamaityn kóliktiń júrgizýshisi kólik quralyn basqarý pýlti arqyly qurylǵyǵa signal jiberip, memlekettik nómirdi jasyryp otyrǵan. Ol óz kóliginiń memlekettik nómirin jasyrý arqyly jol qozǵalysy erejelerin buzdy. Demek ol jol qozǵalysynyń basqa qatysýshylaryna qasaqana qaýip tóndirdi. Quqyq buzýshy ustalyp, ákimshilik zańnamaǵa sáikes jaýapkershlikke tartyldy. Ol bir jyl merzimge kólik quralyn basqarý quqyǵynan aiyryldy, sondai-aq oǵan 20 AEK kóleminde aiyppul tóleýge týra keledi», – dedi Almaty qalalyq PD Ákimshilik politsiia basqarmasynyń bastyǵy Jandos Murataliev.
Onyń aitýynsha, byltyr osyǵan uqsas quqyq buzýshylyqtar úshin 3192 júrgizýshi ákimshilik jaýapkershilikke tartyldy. Memlekettik tirkeý belgisin jasyrýǵa arnalǵan ártúrli qondyrǵylar men jalǵan nómirlerdi ornatý jol qozǵalysy erejelerin qasaqana buzý bolyp esepteledi.
«Júrgizýshilerge qala ishinde ornatylǵan kameralardyń barlyǵy durys jumys istep turǵanyn jáne túrli zań buzýshylyqtardy tirkeitinin eskertken jón. Jol – qatelikterdi keshirmeitinin árdaiym este ustaý kerek», – dedi Jandos Murataliev.
