Almatyda jappai tártipsizdikten keiingi kóshe-jol jelisin qalpyna keltirý jáne tekserý jumystary júrip jatyr, dep habarlaidy QazAqparat.
Júrgizilgen tekserý qorytyndysy boiynsha qalanyń kóshe-jol jelisinde Almaty Arena aýdanynda jáne Nazarbaev dańǵyly men Dostyq dańǵyly, Sátbaev kóshesi boiynda jańa alańda bólshektelgen quimatastardan 2 myńnan astam oryn anyqtalǵan.
Qazirgi ýaqytta 80 jumysshy, 30 arnaiy tehnika shyǵaryldy.
Sondai-aq, 120-dan astam jol belgileri zaqymdalǵany anyqtaldy. Búginde olardyń 80-i qalpyna keltirildi. Sonymen qatar, qalada baǵdarsham nysandaryn qalpyna keltirý jumystary bastaldy.
Buǵan deiin qalada 40-tan astam baǵdarsham zaqymdalǵany týraly jazǵan bolatynbyz.
Qaita qalpyna keltirý jumystarynyń smetalyq quny - 72 mln teńge.
