Almaty politsiiasy qala joldarynda tótenshe jaǵdai jasap, basqa jol qozǵalysyna qatysýshylardyń ómirine qaýip tóndirgen júrgizýshilerdi ustady, - dep habarlaidy Tengrinews.kz.
Solardyń biriniń videosy Instagram-da jariialandy.
Videodan jol erejesin buzǵandar Lexus, BMW, Toyota Land Cruiser syndy qymbat kólikter mingenin kórge bolady.
Video reseilik bloger MAJORKA YouTube arnasynda "ZOLOTAIa MOLODEJ KAZAHSTANA BESPREDEL V GORODE!" degen ataýmen jariialandy.
Almaty qalasynyń politsiia departamenti buzaqylardy anyqtap, olardyń barlyǵy 24 jastan 35 jasqa deiingi er adamdar ekenin aitty. Jergilikti politsiia qyzmeti basqarmasynyń izdeý bólimi tekserý júrgizdi.
"Nátijesinde Jol qozǵalysy erejelerin óreskel buzǵan kelesi júrgizýshiler jaýapqa tartyldy:
- Lexus markaly avtokólikti basqarǵan 1998 jyly týǵan P. Qurbanovqa ákimshilik quqyq buzýshylyq týraly QR Kodeksiniń 595-baby, 1-bóligi "manevr jasaý qaǵidalaryn buzý" (3 hattama) jáne 590-bóligi, 1-bóligi "kólik quraldaryn paidalaný qaǵidalaryn buzý" (KRKobAP)boiynsha hattamalar jasaldy;
- BMW H5 markaly avtomashinany basqarǵan 1993 jyly týǵan S. A. Polnev azamatyna 595-bap, 1-bólim (2-hattama); 590, 1-bólim; 601, 1-bólim boiynsha "jol belgilerimen nemese joldyń júrý bóligin belgileýmen belgilengen talaptardy saqtamaý" Ákimshilik quqyq buzýshylyq týraly hattamalar jasaldy;
- Range Rover markaly avtokólikti basqarǵan 1987 jyly týǵan azamat R. S. Ahmedovqa 595-bap, 1-bólim (3-hattama) jáne 590-bap, 1-bólim boiynsha Ákimshilik quqyq buzýshylyq týraly hattamalar jasaldy;
- Toyota Land Cruiser 200 markaly avtokóligin basqarǵan 1999 jyly týǵan Nýri M. G. azamatyna 595-bap, Krkobaptyń 1-bóligi (3 hattama)boiynsha Ákimshilik quqyq buzýshylyq týraly hattamalar jasaldy;
- Huindai Sonata markaly avtokólikti basqarǵan 2003 jyly týǵan azamat A. D. Álievke 595-bap, 1-bólim (3-hattama); 590-bólim, 1-bólim boiynsha Ákimshilik quqyq buzýshylyq týraly hattamalar jasaldy;
- Lexus 570 markaly avtokólikti basqarǵan 1994 jyly týǵan azamat E. B. Berikjanǵa 595 - bap, 1-bólim (2-hattama) jáne 601-bólim, 1-bólim boiynsha Ákimshilik quqyq buzýshylyq týraly hattamalar jasaldy", - delingen Almaty qalasy politsiia departamentiniń baspasóz qyzmetiniń habarlamasynda.
