Almatyda "joq" páterlerdi jalǵa bergen jigit ustaldy, - dep habarlaidy Polisia.kz.
Kúdikti nebári 18 jasta. Ol - Aqtóbe qalasynyń turǵyny.
"Jasyna qaramastan H. esimdi azamat - "kásipker". Ol internet arqyly adamdardy aldaǵan. Jóndeýi jaqsy, baǵasy arzan páterdi jalǵa berý týraly saitqa habarlandyrýlar ornalastyrdy. Qyzyǵýshylyq tanytqandarǵa jigit bank kartasynyń derektemelerin jiberip, aldyn ala tólem jiberýdi surady. Bizdiń málimet boiynsha, kúdiktiniń qylmystyq qýlyǵyna kem degende 5 adam túsken, olar alaiaqtyq týraly politsiiaǵa resmi túrde aryzdanǵan. Kúdiktiniń turǵylyqty jerin tintý kezinde onyń qylmys jasaýǵa paidalanǵan bailanys operatorlarynyń 45 SIM-kartasy tárkilendi1, - dedi Almaly aýdandyq Politsiia basqarmasy bastyǵynyń orynbasary Vladimir Reshetnikov.
Kúdikti qamaýǵa alyndy. Politsiia qyzmetkerleri onyń jeke basyn basqa da qylmystarǵa qatysy bar-joǵyna tekserip jatyr.
Tártip saqshylary kúdiktiniń qylmystyq áreketinen zardap shekken azamattardy myna telefon nómirleri arqyly habarlasýlaryn suraidy: 8-705-555-77-69; 8-775-747-77-78; 8-778-481-19-00; 8-708-707-92-02.
