© Photo: Daniel Bone
Almatyda emhana qyzmetkerlerine qatysty úkim shyǵaryldy, - dep habarlaidy Tengrinews.kz saity.
Olar asa iri mólsherde bótenniń múlkin urlady dep aiyptaldy (Qylmystyq kodekstiń 189-baby 4-bólimi 2-tarmaǵy).
Sot emhananyń bas dárigeri bas býhgaltermen jáne kadrlar bóliminiń inspektorymen aldyn ala kelisip, 7 jyl boiy, 2015 jylǵy sáýir men 2022 jylǵy naýryz aralyǵynda qylmys jasaǵanyn anyqtady.
Olar shyn máninde jumys istemeitin adamdardy jumysqa alý týraly buiryqtardy rásimdep, ai saiyn resmi túrde jumysshylardyń shottaryna jalaqy aýdaryp otyrǵan. Sodan keiin ony óz qajettilikterine jumsaǵan. Barlyǵy 19 "adam" osylai rásimdelgen.
Sot málimetinshe, emhana qyzmetkerleri zańsyz áreketterimen memleketke 79 million teńgeden asa shyǵyn keltirgen.
Sot sottalýshylardy kináli dep tapty. Býhgalter men kadrlar bóliminiń qyzmetkeri shartty merzimge sottaldy.
Al emhananyń bas dárigeri memlekettik organdarda qyzmet atqarý quqyǵynan ómir boiyna aiyryla otyryp, ortasha qaýipsiz QAJ mekemesinde jazasyn ótei otyryp, 7 jyl merzimge bas bostandyǵynan aiyryldy.
