Almatyda joǵalyp ketken 9 jasar oqýshy qyz eriktiler kómeginiń arqasynda aman-esen tabyldy, dep habarlaidy "Ult aqparat".
"Qyz trolleibýstan tabyldy. Ol kúni boiy qoǵamdyq kólikte júrgen bolýy da múmkin. Biz basqa jaǵdailardy mindetti túrde anyqtaimyz. Eń bastysy - balada bári jaqsy. Patrýldik politsiia qyzmetkerleri ony ata-anasyna tapsyrdy. Óz kezeginde Almaty qalasynyń politsiiasy qyzdy tabýǵa jan-jaqty kómek kórsetken qamqor azamattarǵa sheksiz alǵysyn bildiredi", - deidi Almaty qalasy PD JPQB iývenaldy politsiianyń bastyǵy Janna Shonjanova.
