Almatyda jihaz tsehy men avtokólik bólshekteriniń qoimasynan órt shyqty, dep habarlaidy "Ult aqparat".
Almaty qalalyq tótenshe jaǵdailar departamenti baspasóz qyzmetiniń málimetinshe, búgin túski saǵat 13:55 shamasynda órt sóndirý kólikteri Áýezov aýdany Ótegen batyr kóshesi, 15A mekenjaiynan shyqqan órtke attanǵan.
Alǵashqy órt sóndirýshiler oqiǵa ornyna 4 minýtta jetti. Olar kelgende eki qabatty ǵimarattyń birinshi qabatynda avtobólshekter men sóreler ornalasqan boks órtenip jatqan.
«Órt shyqqan ǵimarat ishinde qoiý tútin paida boldy. Gaz-tútinnen qorǵaý qyzmeti jylý túsirgishtiń kómegimen órt oshaǵyn anyqtaý úshin barlaý júrgizdi» dep habarlady departamentten.
Shuǵyl qabyldanǵan sharalardyń arqasynda órt 25 minýttyń ishinde aýyzdyqtalyp, saǵat 14:42 kezinde tolyq sóndirildi.
Tilsiz jaýdyń ǵimarattyń ekinshi qabatyndaǵy jihaz tsehy men avtokólik bólshekteri bar qoimalarǵa taralýyna jol berilmedi.
Zardap shekkender joq.
