الماتىدا جيھاز تسەحى مەن اۆتوكٶلٸك بٶلشەكتەرٸنٸڭ قويماسىنان ٶرت شىقتى, دەپ حابارلايدى "ۇلت اقپارات".
الماتى قالالىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, بٷگٸن تٷسكٸ ساعات 13:55 شاماسىندا ٶرت سٶندٸرۋ كٶلٸكتەرٸ ەۋەزوۆ اۋدانى ٶتەگەن باتىر كٶشەسٸ, 15ا مەكەنجايىنان شىققان ٶرتكە اتتانعان.
العاشقى ٶرت سٶندٸرۋشٸلەر وقيعا ورنىنا 4 مينۋتتا جەتتٸ. ولار كەلگەندە ەكٸ قاباتتى عيماراتتىڭ بٸرٸنشٸ قاباتىندا اۆتوبٶلشەكتەر مەن سٶرەلەر ورنالاسقان بوكس ٶرتەنٸپ جاتقان.
«ٶرت شىققان عيمارات ٸشٸندە قويۋ تٷتٸن پايدا بولدى. گاز-تٷتٸننەن قورعاۋ قىزمەتٸ جىلۋ تٷسٸرگٸشتٸڭ كٶمەگٸمەن ٶرت وشاعىن انىقتاۋ ٷشٸن بارلاۋ جٷرگٸزدٸ» دەپ حابارلادى دەپارتامەنتتەن.
شۇعىل قابىلدانعان شارالاردىڭ ارقاسىندا ٶرت 25 مينۋتتىڭ ٸشٸندە اۋىزدىقتالىپ, ساعات 14:42 كەزٸندە تولىق سٶندٸرٸلدٸ.
تٸلسٸز جاۋدىڭ عيماراتتىڭ ەكٸنشٸ قاباتىنداعى جيھاز تسەحى مەن اۆتوكٶلٸك بٶلشەكتەرٸ بار قويمالارعا تارالۋىنا جول بەرٸلمەدٸ.
زارداپ شەككەندەر جوق.
