Foto: Pexels
3 qańtardan beri turǵyndardan jer silkinisinen keiin úiinde jaryqshaq paida bolǵany týraly 188 shaǵym túsken, onyń 70-i — kópqabatty úilerde. Bul týraly Almaty ákiminiń orynbasary Asqar Ámrin aitty, - dep habarlaidy "Ult aqparat" Kazinformǵa silteme jasap.
Asqar Ámrinniń sózinshe, bul adam ómirine qaýip tóndirmeidi. Quramyna ákimdik ókilderi men sarapshylar kirgen jumys tobynyń baǵalaýynan keiin osyndai qorytyndy shyǵarylǵan.
Jer silkinisinen zardap shekken áleýmettik infraqurylym nysandary biýdjet qarajaty esebinen jóndeledi.
«Kópqabatty turǵyn úi kesheni, kondominiým nysandary aǵymdaǵy jóndeý jumysyn júrgizip, óz qarajaty esebinen bul jaryqshaqtardy jabady. Áleýmettik infraqurylymǵa jatatyn nysandar biýdjet qarajaty esebinen belgilengen tártippen qalpyna keltiriledi», — dedi Asqar Ámrin Almaty qalasyn josparlaý jobasyn tanystyrý barysynda.
Sondai-aq ol osy aida Qazaq qurylys jáne sáýlet ǵylymi-zertteý jáne jobalaý institýtynyń (QazQSǴZI) sarapshylary búkil 188 nysanǵa saraptama júrgizip, resmi qorytyndy beretinin aitty.
