فوتو: Pexels
3 قاڭتاردان بەرٸ تۇرعىنداردان جەر سٸلكٸنٸسٸنەن كەيٸن ٷيٸندە جارىقشاق پايدا بولعانى تۋرالى 188 شاعىم تٷسكەن, ونىڭ 70-ٸ — كٶپقاباتتى ٷيلەردە. بۇل تۋرالى الماتى ەكٸمٸنٸڭ ورىنباسارى اسقار ەمرين ايتتى, - دەپ حابارلايدى "ۇلت اقپارات" Kazinformعا سٸلتەمە جاساپ.
اسقار ەمريننٸڭ سٶزٸنشە, بۇل ادام ٶمٸرٸنە قاۋٸپ تٶندٸرمەيدٸ. قۇرامىنا ەكٸمدٸك ٶكٸلدەرٸ مەن ساراپشىلار كٸرگەن جۇمىس توبىنىڭ باعالاۋىنان كەيٸن وسىنداي قورىتىندى شىعارىلعان.
جەر سٸلكٸنٸسٸنەن زارداپ شەككەن ەلەۋمەتتٸك ينفراقۇرىلىم نىساندارى بيۋدجەت قاراجاتى ەسەبٸنەن جٶندەلەدٸ.
«كٶپقاباتتى تۇرعىن ٷي كەشەنٸ, كوندومينيۋم نىساندارى اعىمداعى جٶندەۋ جۇمىسىن جٷرگٸزٸپ, ٶز قاراجاتى ەسەبٸنەن بۇل جارىقشاقتاردى جابادى. ەلەۋمەتتٸك ينفراقۇرىلىمعا جاتاتىن نىساندار بيۋدجەت قاراجاتى ەسەبٸنەن بەلگٸلەنگەن تەرتٸپپەن قالپىنا كەلتٸرٸلەدٸ», — دەدٸ اسقار ەمرين الماتى قالاسىن جوسپارلاۋ جوباسىن تانىستىرۋ بارىسىندا.
سونداي-اق ول وسى ايدا قازاق قۇرىلىس جەنە سەۋلەت عىلىمي-زەرتتەۋ جەنە جوبالاۋ ينستيتۋتىنىڭ (قازقسعزي) ساراپشىلارى بٷكٸل 188 نىسانعا ساراپتاما جٷرگٸزٸپ, رەسمي قورىتىندى بەرەتٸنٸن ايتتى.
