Foto: Astana ákimdiginiń resmi saity
Almatydaǵy jer silkinisteri týraly halyqty habardar etýge arnalǵan júieni ornatýǵa jaýapty bolǵan merdigerdiń Nuráli Álievke qandai qatysy bar? Sybailas jemqorlyqqa qarsy is-qimyl agenttiginiń kezekti brifinginde vedomstvonyń resmi ókili Arman Tileýkenovke osyndai suraq qoiyldy, dep habarlaidy "Ult aqparat" Kazinform agenttigine silteme jasap.
«Biz ol aqparattan habardarmyz. Sondai-aq, áriptesimiz, qoǵamdyq keńes múshesi Didar Smaǵulovtyń áleýmettik jelidegi jazbasyn oqydyq. Bul fakti boiynsha «Ádildik joly» qoǵamdyq birlestiginiń aryzyn Sybailas jemqorlyqqa qarsy is-qimyl agenttiginiń Almaty qalasy boiynsha departamenti tirkedi», - dedi Arman Tileýkenov.
Sondai-aq, ol «Ádildik joly» joldaǵan hat boiynsha tekserý júrgiziletinin atap ótti.
«Materialdar ókiletti organǵa tekserý júrgizý úshin joldandy. Sol tekserýdiń qorytyndysy boiynsha tiisti protsessýaldyq sheshim qabyldanyp, BAQ pen qoǵamǵa habarlanady», - dedi agenttiktiń resmi ókili.
Eske salaiyq, «Ádildik jol» qoǵamdyq birlestiginiń jetekshisi Didar Smaǵulov áleýmettik jelide Almatydaǵy jer silkinisteri týraly aldyn ala qulaqtandyratyn júieni ornatý úshin 1,1 mlrd teńge jumsaǵan merdiger kompaniianyń artynda eks-prezidenttiń jieni Nuráli Áliev turǵanyn jazǵan edi.
