9 mamyr kúni saǵat 21:00-de Almatydaǵy Abai alańynda Uly Otan soǵysyndaǵy Jeńistiń 80 jyldyǵyna arnalǵan erekshe drondar shoýy ótedi. Is-shara barysynda aspanda 500-den astam dron qatysatyn jaryq shoý usynylady, dep habarlaidy Ult.kz.
Kórsetilim barysynda soǵys jyldarynda Qazaqstannyń has batyrlary — Mánshúk Mámetova, Áliia Moldaǵulova jáne Baýyrjan Momyshuly beinesi jaryq animatsiia arqyly jandanbaq. Olardyń erligin sipattaityn kórinister simvolikalyq túrde beinelenedi.
Kórermenderge arnalǵan arnaiy alańdar Abai alańynda, «Qazaqstan» qonaq úiiniń janynda, Caspian University mańynda jáne Abai dańǵyly boiynda (Nazarbaev dańǵylynan Dostyq kóshesine deiin) daiyndalady.
Is-sharaǵa bailanysty 18:00-den 21:30-ǵa deiin Abai dańǵylynyń Nazarbaev dańǵylynan Dostyq kóshesine deiingi aralyǵy men Dostyq kóshesiniń Qurmanǵazy kóshesinen Sátbaev kóshesine deiingi bóligi ýaqytsha jabylady.
Qala turǵyndaryna qozǵalys baǵytyn aldyn ala josparlaý usynylady.
