9 مامىر كٷنٸ ساعات 21:00-دە الماتىداعى اباي الاڭىندا ۇلى وتان سوعىسىنداعى جەڭٸستٸڭ 80 جىلدىعىنا ارنالعان ەرەكشە دروندار شوۋى ٶتەدٸ. ٸس-شارا بارىسىندا اسپاندا 500-دەن استام درون قاتىساتىن جارىق شوۋ ۇسىنىلادى, دەپ حابارلايدى Ult.kz.
كٶرسەتٸلٸم بارىسىندا سوعىس جىلدارىندا قازاقستاننىڭ حاس باتىرلارى — مەنشٷك مەمەتوۆا, ەلييا مولداعۇلوۆا جەنە باۋىرجان مومىشۇلى بەينەسٸ جارىق انيماتسييا ارقىلى جاندانباق. ولاردىڭ ەرلٸگٸن سيپاتتايتىن كٶرٸنٸستەر سيمۆوليكالىق تٷردە بەينەلەنەدٸ.
كٶرەرمەندەرگە ارنالعان ارنايى الاڭدار اباي الاڭىندا, «قازاقستان» قوناق ٷيٸنٸڭ جانىندا, Caspian University ماڭىندا جەنە اباي داڭعىلى بويىندا (نازارباەۆ داڭعىلىنان دوستىق كٶشەسٸنە دەيٸن) دايىندالادى.
ٸس-شاراعا بايلانىستى 18:00-دەن 21:30-عا دەيٸن اباي داڭعىلىنىڭ نازارباەۆ داڭعىلىنان دوستىق كٶشەسٸنە دەيٸنگٸ ارالىعى مەن دوستىق كٶشەسٸنٸڭ قۇرمانعازى كٶشەسٸنەن سەتباەۆ كٶشەسٸنە دەيٸنگٸ بٶلٸگٸ ۋاقىتشا جابىلادى.
قالا تۇرعىندارىنا قوزعالىس باعىتىن الدىن الا جوسپارلاۋ ۇسىنىلادى.
