Almatyda jedel járdem qyzmetiniń 415 qyzmetkeri jalaqysyna qosymsha ústemeaqy alatyn boldy. Bul týraly qalalyq jedel meditsinalyq járdem qyzmetiniń bas dárigeri Birjan Ospanov onlain brifing barysynda málimdedi, dep habarlaidy "Ult aqparat".
Onyń aitýynsha, qyzmetkerlerdiń jalaqysy buǵan deiin qońyraý sanyna qarai esepteletin.
«Sońǵy 3 jylda bizge 1 mln-ǵa jýyq qońyraý túsken. Ár ekinshi turǵyn jedel járdem qyzmetine júgingen. Onyń 955 myńy biyl túsken. Qazir bizde eńbekaqysy jan basyna shaqqandaǵy qarjylandyrý júiesimen esepteledi. Ol bir adamǵa 163000 teńge shamasynda. Kelesi jyly eńbekaqysy 30%-ǵa ósedi»,- dedi Birjan Ospanov.
QR Densaýlyq saqtaý ministriniń buiryǵymen jedel járdem qyzmetkerlerine koronavirýs juqtyrý qaýpine bailanysty 1-2 dárejeli qosymsha tólemaqy qarastyrylǵan.
«2- dárejeli tólemaqyny dáriger men feldsher alady. Olar jalaqysyna qosymsha 425 000 teńge alady. Sondai-aq, barlyq júrgizýshi 3-dárejeli tólemaqy 212 myń teńge alady. Bul buiryqqa 415 qyzmetker enbei qaldy. Olar - sanitar qyzmetkerler men dispetcherler. Biz bul máseleniń de sheshimin taptyq. Jergilikti biýdjetten osy maqsatta qazan, qarasha, jeltoqsan ailaryna qosymsha 212 000 teńgeden tóleý qarastyrylǵan», - dedi spiker.
