الماتىدا جەدەل جەردەم قىزمەتٸنٸڭ 415 قىزمەتكەرٸ جالاقىسىنا قوسىمشا ٷستەمەاقى الاتىن بولدى. بۇل تۋرالى قالالىق جەدەل مەديتسينالىق جەردەم قىزمەتٸنٸڭ باس دەرٸگەرٸ بٸرجان وسپانوۆ ونلاين بريفينگ بارىسىندا مەلٸمدەدٸ, دەپ حابارلايدى "ۇلت اقپارات".
ونىڭ ايتۋىنشا, قىزمەتكەرلەردٸڭ جالاقىسى بۇعان دەيٸن قوڭىراۋ سانىنا قاراي ەسەپتەلەتٸن.
«سوڭعى 3 جىلدا بٸزگە 1 ملن-عا جۋىق قوڭىراۋ تٷسكەن. ەر ەكٸنشٸ تۇرعىن جەدەل جەردەم قىزمەتٸنە جٷگٸنگەن. ونىڭ 955 مىڭى بيىل تٷسكەن. قازٸر بٸزدە ەڭبەكاقىسى جان باسىنا شاققانداعى قارجىلاندىرۋ جٷيەسٸمەن ەسەپتەلەدٸ. ول بٸر ادامعا 163000 تەڭگە شاماسىندا. كەلەسٸ جىلى ەڭبەكاقىسى 30%-عا ٶسەدٸ»,- دەدٸ بٸرجان وسپانوۆ.
قر دەنساۋلىق ساقتاۋ مينيسترٸنٸڭ بۇيرىعىمەن جەدەل جەردەم قىزمەتكەرلەرٸنە كوروناۆيرۋس جۇقتىرۋ قاۋپٸنە بايلانىستى 1-2 دەرەجەلٸ قوسىمشا تٶلەماقى قاراستىرىلعان.
«2- دەرەجەلٸ تٶلەماقىنى دەرٸگەر مەن فەلدشەر الادى. ولار جالاقىسىنا قوسىمشا 425 000 تەڭگە الادى. سونداي-اق, بارلىق جٷرگٸزۋشٸ 3-دەرەجەلٸ تٶلەماقى 212 مىڭ تەڭگە الادى. بۇل بۇيرىققا 415 قىزمەتكەر ەنبەي قالدى. ولار - سانيتار قىزمەتكەرلەر مەن ديسپەتچەرلەر. بٸز بۇل مەسەلەنٸڭ دە شەشٸمٸن تاپتىق. جەرگٸلٸكتٸ بيۋدجەتتەن وسى ماقساتتا قازان, قاراشا, جەلتوقسان ايلارىنا قوسىمشا 212 000 تەڭگەدەن تٶلەۋ قاراستىرىلعان», - دەدٸ سپيكەر.
