Almatyda belgili jazýshy Jumabai Shashtaiulynyń «Qyzyl qar» atty romanynyń tusaýkeseri ótti, dep habarlaidy QazAqparat.
Sharaǵa QR Aqparat jáne qoǵamdyq damý ministri Aida Balaeva, «Qyzyl qar» romanynyń avtory, belgili jazýshy Jumabai Shashtaiuly, birqatar respýblikalyq buqaralyq aqparat quraldarynyń basshylary, jazýshylar, ǵalymdar men ziialy qaýym ókilderi qatysty.
Ministr Jumabai Shashtaiulynyń ómirde de, kórkem ádebiette de shynaiy pozitsiiany ustanatyn azamat, sonymen birge el jýrnalistikasynyń damýyna óz úlesin qosqan jýrnalist ekendigin atap ótti.
«Qyzyl qar» atty debiýttik shyǵarmasy sonaý Keńes dáýiri kezeńinde jazylyp, sol tusta synǵa ilikkenin bilemiz», - dedi Aida Balaeva.
Avtordyń aitýynsha, «Qyzyl qar» romany 1984 jyly jazylǵan. Keńes úkimetiniń synyna ushyraǵan shyǵarma araǵa 36 jyl salyp jaryqqa qaita shyqty.
«1984 jyly shyqqan bolatyn, eki aidan keiin Qazaqstan kompartiiasynyń ortalyq komiteti úlken jýrnalisterdiń jiynynda qatty synady. Sebebi, men mal sharýashylyǵynyń qiyndyǵyn, maldyń qyrlǵanyn, ash qoilar bir-biriniń júnin jegenin ashyq jazdym. Sondyqtan, onyń taralýyna jol bermedi. Allaǵa shúkir! Minekei araǵa jyldar salyp roman bolyp qaita jaryqqa shyqty. Mazmunyn joǵaltpai, ózgerister engizip roman etip shyǵardym. Bul jerde eki dostyń ómiri baiandalady. Iaǵni, bireýi qoi baǵyp aýylda qalady, ekinshisi oqýǵa túsip qalaǵa ketedi. Ekeýiniń ómirin salystyrmaly túrde kórsettim»,– deidi Jumabai Shashtaiuly.
Jazýshy Smaǵul Elýbaidyń pikirinshe, Jumabai Shashtaiuly - týma talant.
«Jumabai Shashtaiulynyń ereksheligine keletin bolsaq, ol - qalyń halyqtyń, qazaqtyń dástúrli kásibimen ainalysqan shopannyń balasy. Ol sol ómirdi sýretteý arqyly qazaq degen halyqtyń sol kezdegi muń-muqtajyn, keipin, beinesin jasady. Ony halyqtan bólip alýǵa bolmaidy. Ol - týma talant. Jumabai Shashataiuly 70 jasqa abyroimen keldi. Týǵan kúni qutty bolsyn!», – dedi.
1000 danamen shyqqan «Qyzyl qar» romany jýyq arada kitaphanalar men kitap dúkenderine taratylady.
