الماتىدا بەلگٸلٸ جازۋشى جۇماباي شاشتايۇلىنىڭ «قىزىل قار» اتتى رومانىنىڭ تۇساۋكەسەرٸ ٶتتٸ, دەپ حابارلايدى قازاقپارات.
شاراعا قر اقپارات جەنە قوعامدىق دامۋ مينيسترٸ ايدا بالاەۆا, «قىزىل قار» رومانىنىڭ اۆتورى, بەلگٸلٸ جازۋشى جۇماباي شاشتايۇلى, بٸرقاتار رەسپۋبليكالىق بۇقارالىق اقپارات قۇرالدارىنىڭ باسشىلارى, جازۋشىلار, عالىمدار مەن زييالى قاۋىم ٶكٸلدەرٸ قاتىستى.
مينيستر جۇماباي شاشتايۇلىنىڭ ٶمٸردە دە, كٶركەم ەدەبيەتتە دە شىنايى پوزيتسييانى ۇستاناتىن ازامات, سونىمەن بٸرگە ەل جۋرناليستيكاسىنىڭ دامۋىنا ٶز ٷلەسٸن قوسقان جۋرناليست ەكەندٸگٸن اتاپ ٶتتٸ.
«قىزىل قار» اتتى دەبيۋتتٸك شىعارماسى سوناۋ كەڭەس دەۋٸرٸ كەزەڭٸندە جازىلىپ, سول تۇستا سىنعا ٸلٸككەنٸن بٸلەمٸز», - دەدٸ ايدا بالاەۆا.
اۆتوردىڭ ايتۋىنشا, «قىزىل قار» رومانى 1984 جىلى جازىلعان. كەڭەس ٷكٸمەتٸنٸڭ سىنىنا ۇشىراعان شىعارما اراعا 36 جىل سالىپ جارىققا قايتا شىقتى.
«1984 جىلى شىققان بولاتىن, ەكٸ ايدان كەيٸن قازاقستان كومپارتيياسىنىڭ ورتالىق كوميتەتٸ ٷلكەن جۋرناليستەردٸڭ جيىنىندا قاتتى سىنادى. سەبەبٸ, مەن مال شارۋاشىلىعىنىڭ قيىندىعىن, مالدىڭ قىرلعانىن, اش قويلار بٸر-بٸرٸنٸڭ جٷنٸن جەگەنٸن اشىق جازدىم. سوندىقتان, ونىڭ تارالۋىنا جول بەرمەدٸ. اللاعا شٷكٸر! مٸنەكەي اراعا جىلدار سالىپ رومان بولىپ قايتا جارىققا شىقتى. مازمۇنىن جوعالتپاي, ٶزگەرٸستەر ەنگٸزٸپ رومان ەتٸپ شىعاردىم. بۇل جەردە ەكٸ دوستىڭ ٶمٸرٸ باياندالادى. ياعني, بٸرەۋٸ قوي باعىپ اۋىلدا قالادى, ەكٸنشٸسٸ وقۋعا تٷسٸپ قالاعا كەتەدٸ. ەكەۋٸنٸڭ ٶمٸرٸن سالىستىرمالى تٷردە كٶرسەتتٸم»,– دەيدٸ جۇماباي شاشتايۇلى.
جازۋشى سماعۇل ەلۋبايدىڭ پٸكٸرٸنشە, جۇماباي شاشتايۇلى - تۋما تالانت.
«جۇماباي شاشتايۇلىنىڭ ەرەكشەلٸگٸنە كەلەتٸن بولساق, ول - قالىڭ حالىقتىڭ, قازاقتىڭ دەستٷرلٸ كەسٸبٸمەن اينالىسقان شوپاننىڭ بالاسى. ول سول ٶمٸردٸ سۋرەتتەۋ ارقىلى قازاق دەگەن حالىقتىڭ سول كەزدەگٸ مۇڭ-مۇقتاجىن, كەيپٸن, بەينەسٸن جاسادى. ونى حالىقتان بٶلٸپ الۋعا بولمايدى. ول - تۋما تالانت. جۇماباي شاشاتايۇلى 70 جاسقا ابىرويمەن كەلدٸ. تۋعان كٷنٸ قۇتتى بولسىن!», – دەدٸ.
1000 دانامەن شىققان «قىزىل قار» رومانى جۋىق ارادا كٸتاپحانالار مەن كٸتاپ دٷكەندەرٸنە تاراتىلادى.
