Almatyda tótenshe jaǵdai kezinde jasyryn oiynhana uiymdastyrǵan adam sottaldy, dep habarlaidy "Ult aqparat".
Almaty qalasy boiynsha ekonomikalyq tergeý departamentiniń qyzmetkerleri tótenshe jaǵdai kezinde zańsyz oiyn biznesin uiymdastyrǵan astyrtyn kazino uiymdastyrýshysyna qatysty sotqa deiingi tergeýdi aiaqtady.
«Osy jyldyń mamyr aiynda júrgizilgen jedel-tergeý sharalary barysynda Almatyda «Oiyn biznesi týraly» zańnyń talabyn buzǵan jasyryn kazino anyqtaldy. Tekserý kezinde mekemede oiynshylar men jumysshylar bolǵan, ári poker ústeli, 13 dana oiyn avtomaty, rýletka ústeli, sondai-aq, kompiýterlik tehnika, noýtbýk, teledidarlar jáne ulttyq jáne shetel valiýtasyndaǵy aqsha tárkilengen»,– dep habarlady qarjy monitoring komitetiniń baspasóz qyzmeti.
Almaty qalasy Almaly aýdandyq sotynyń úkimimen jasyryn oiynhana uiymdastyrýshy QR Qylmystyq kodesiniń 307-baby 3-bóliginiń 2-tarmaǵyna («Asa iri mólsherde tabys tabý jáne zańsyz oiyn biznesin uiymdastyrý») sáikes kináli dep tanyldy.
Oǵan 4 jyl 2 aiǵa bas bostandyǵynan aiyrý jazasy taǵaiyndaldy.
