Almaty politsiiasy esirtki zerthanasyn joiý úshin arnaiy operatsiia júrgizdi, dep habarlaidy "Ult aqparat".
Almaty qalalyq Politsiiada departamentiniń baspasóz qyzmeti málim etkendei, arnaiy júrgizilgen operatsiia barysynda Abai dańǵylynyń boiynda «Hyundai» avtokóligi toqtatyldy. Kólikte eki er adam boldy. Tintý kezinde A. esimdi azamattyń qaltasynan «mefedron» sintetikalyq esirtki salynǵan oramalar tabyldy.
«Belgili bolǵanyndai kúdiktiler «Jetisý» yqshamaýdanynda ornalasqan kópqabatty turǵyn úidiń bir páterinde jasyryn esirtki daiyndaǵan. Himiialyq komponentter – esirtki jasaýǵa arnalǵan zattardy, olar, tońazytqyshta saqtaǵan. Qonaq bólmesinde aq tústi untaqty zat, polietilen paketter (oraýǵa arnalǵan), ósimdik tektes jasyl jáne aq tústi untaqty zat tabyldy. Jatyn bólmede himiialyq reagentterdi, sintetikalyq esirtkilerdi shyǵarýǵa arnalǵan túrli komponentterdi, eki magnitti aralastyrǵyshty, jeldetkishti jáne eki mai radiatorlaryn saqtaǵan. Biz úshinshi kúdiktini jaldamaly páterden ustadyq», – dedi Almaty qalasy Politsiia departamentiniń esirtki qylmystaryna qarsy kúres basqarmasynyń bastyǵy Erlan Almaǵambetov.
Sot-himiialyq saraptamanyń qorytyndysyna sáikes tárkilengen zattar psihotroptyq zat «Metkatinon» (mefedron) bolyp shyqty. Tárkilengen shikizat pen daiyn ónimniń jalpy salmaǵy 10 kelini qurady.
«Ustalǵandar qamaýǵa alyndy. Qylmystyq is QR QK-niń 297 baby qylmys belgileri boiynsha tergelýde. Sonymen qatar, jalpy jedel is-sharalarmen qatar, esirtki qylmysyna qarsy is-qimyl salasyndaǵy áleýmettik úgit materialdary arqyly halyqtyń esirtkige qarsy immýnitettiń aldyn alý jáne qalyptastyrý boiynsha jumys turaqty negizde júrgizilip jatqanyn atap ótken jón. Búginde qala aýmaǵynda 56 syrtqy jarnamalyq bilbord bar. Sondai-aq, 79 LED-ekran nashaqorlyqtyń aldyn alýǵa baǵyttalǵan aqparatty taratady», – dep qorytyndylady Almaǵambetov.
